BKT Klets-kombuis

Boerekos met ‘n Twist is tans besig met n rits nuwe dinge in die pyplyn: Aanlyn Suurdeegklas wat in Julie beskikbaar gaan wees en met die genade van Bo, ook daarop volgend ‘n Suiwel klas en vele meer. Die nuwe kookboek staan einde se kant toe en dit gaan verseker ‘n alles omvattende gids wees vir oud en jong om te geniet en gaan baie meer resepte, tegnieke en wenke bevat as met die Boerekos met n Twist kookboek. Dan is daar ook ‘n nuwe wending vir 2020: BKT gaan bietjie oorsee reis en paar lesers saam neem. Tans ondersoek ek die opsie om na Marokko te reis of Italie (sagte plekkie vir hierdie land). Indien jy belangstel stuur asb ‘n epos na boerekostwist@gmail.com of kontakte het of oulike plekke wil besoek, laat weet. Die beoogde reise sal wees in September 2020. Dus het ons genoeg tyd om ‘n wonderlike kostoer te doen. My idee is om na die ou stadjies en plattelandse dele te reis en ongekunstelde volkskos te eet, proe en selfs te maak. ‘n Klas of twee by te woon van plaaslike mense wat sulke goed doen. Dus, ek het self ook al in Italie getoer en weet van plekkies wat ek bitter graag vir jul wil gaan wys, maar ek was ‘n nat-neus student van 23 jaar oud destyds…dus het dinge seker baie verander en moet ek weer goed huiswerk en navorsing doen.

Deur die loop van die naweek kan julle terug kom na hierdie post, want ek sal dan so al die skakels van resepte vir julle hier aanheg soos dit gelaai word. Ek is ruiterlik eerlik, die week was dol en ons area se ADSL was af en weer gesukkel om die resepte en foto’s gelaai te kry.

Mag ieder en elk ‘n wonderlike naweek en nuwe week geniet.

Groete Annelien

Resepte met links

Winter warm idees:
1. Soppoeier-maak-jou-eie
2. Sop resepte
3. Slap deeg vir Bredies
4. Winter nagereg