Moedersdag spyskaart

Gerookte forrel quiche
‘n Veelsydige basis vir ‘n heerlike kombinasie van proteine soos gerookte hoender, kassler ribs vleis, vis en oorskiet gaar vleis. Die rokerige vleis geure sal heerlik met die roomkaas in hierdie resep kombineer.

450 g gaar protein van keuse, vir hierdie resep het ek “cold smoked trout” gebruik
3 e olyfolie
200 g spekvleis, gesnipper
250 g knopie sampioene, gesnipper
1 groot ui, fyn gekap
1 t knoffel, fyn gekap
350 g roomkaas
125 ml vars room
1 k medium dik witsous (BKT kookboek)
3 groot eiers
4 e vars dill gekap
1 e suurlemoensap

Broskors deeg en druk die helfte van die deeg in die voorbereide pan. Oorskiet deeg, druk plat en vries vir latere gebruik.

Voor verhit oond na 180℃.

Breek die vleis in stukkies. Braai die spek met olyf olie tot bros en skep uit. Braai die uie met ‘n knippie sout tot glansend en voeg die sampioene by. Roerbraai totdat die sampioene se vog verdamp het. Voeg knoffel by en roerbraai weer vir ‘n minuut en haal van die plaat en skep uit in mengbak om vinniger af te koel.

Meng die res van die bestanddele by die lou warm gebraaide uie en spek. Skep in voorbereide tertkors en bak vir 45 minute by 180℃.

Sitrus en Fennel slaai
100 g (1 k) gesoute neute van keuse, grof gekap
2 fennel bolle, fyn gesny deur die dwarste om ringe te vorm
5 lemoene geskil in wiggies of ringe gesny
Growwe pink himalaya sout vir sprinkel
Swart peper grof gemaal

Pak die slaai bestanddele netjies uit in ʼn mooi oop slaai bak en berei die slaaisous voor.

Slaaisous
100 ml olyf olie
50 ml balsamiese asyn
2 e gladde dijon mosterd
15 ml heuning
½ t tiemie (thyme) gedroog

Plaas al die bestanddele saam en met ʼn blenderstokkie meng tot ʼn eenvormige massa.

Nagereg
Ek is baie lief vir enige soet bederf met Sjokolade in. So hierdie ou en uiters betroubare resep vind weereens sy pad na my tafel vir heerlike koffie na middagete.

Sjokolade Ganache tertjies

Groete

Annelien