Wanneer tyd letterlik jou baas word en tyd in die kombuis word tot die minimum beperk het ek ‘n oplossing vir jou met die hulp van jou “Slow cooker / Crock pot / Hutspot”.
Die bestanddele van hierdie resep word in lae op mekaar gestapel en ‘n eenvoudige ding soos ‘n tydskakelaar wat apart aangekoop kan word indien jou Slow cooker nie ‘n tydskakelaar het, skakel na paar ure aan en jou kos word gaar. Teen die tyd wat jy tuis kom begroet die wonderlike geure van huislike samesyn jou by die deur.
Ek gebruik ‘n 3 liter Hutspot vir hierdie resep en ‘n groter pot sal ook geskik wees.
1.5 kg skenkel / kort rib / chuck vleis
2 k risotto rys
250 ml warm kraan water
2 e Sop poeier, tuis gemaak of Witsous Bêre mengsel p.211
1 x Bruin sous of 250 ml aftreksel
1 e roosmaryn, gedroog
2 e bisto
6 wortels, geskil, repies
2 seldery stingels, fyn ringetjies
2 uie, blokkies gesny
250 g bruin knopies sampioene (opsioneel)
200 ml klapper room
Plaas die reis onder in die pot. Pak dan die bestanddele soos gelys in lae op mekaar: wortels, sampioene, seldery, uie, vleis.
Meng die water en roosmaryn met die sop poeier en giet oor die vleis. Skakel die pot op hoog vir 6-8 ure totdat die vleis sag is en van die been val.
Rond af met ‘n koppie klapper room of gewone room.
Bron: Annelien Pienaar, 2019, Spyskaart beplanning klas
10 Replies to “Een-pot-bees risotto”
Annatjie vd Westhuizen
Annelien
Baie dankie vir hierdie heerlike resep! Dit gaan absoluut ‘n wenner word in my huis! Dankie vir al jou moeite om ons altyd te voorsien van al jou lekker resepte. Hoop om binnekort een van jou klasse by te woon … ek kan nie meer wag nie!!
Warm kosgroete vir jou xx
Annelien Landman
Baie dankie. Die resep klink heerlik en ek gaan dit beslis probeer.
Doen so voort!
elbamarx
Skuus is die beesstert aftreksel die sous wanneer jy beesstert kook….
Annelien
Hallo Elba, aftreksel is die onttrekking van goeie minerale en vitamiene van uit bene om soppe en souse mee te maak. Daar is ‘n hele artikel op die webtuiste oor die kook van aftreksel. Groete Annelien
Annelien
Groot dank en geniet…kom wys op FB. Groete Annelien
Annelien
Hallo Annatjie, mag ons paaie sommer eersdaags kruis, al is dit dan net ook vir ‘ kuier op die plaas. BKT groete Annelien
sonjazino
Baie dankie Annelien💕
1. Bisto nie in Israel beskikbaar, wat gebruik ek of los ek dit uit? Ons kook vir Shabbat so n ete in die slow cooker vir ongeveer 20 ure op slow en vir kleur se hulle mens moet dadel insit.
2. Wat is jou mening oor baksakkies? Ons sit bv ons rys en koring in so n sakkie bo-op die ander produkte.
Dankie byvoorbaat🙏
Annelien
1. Soos jy op die skakel sien los die Bisto uit en maak jou eie bruin sous…baie maklik en heerliker as Bisto.
2. Geen probleem met baksakkies nie.
Groete A
Dorothy Marais
Baie dankie vir die heerlike resep Annelien . As mens met die “beurtkrag” dit in die stoompot wil maak kan jy die resep net so gebruik of eers stoom en dan die sop mengsel in voeg?
Annelien
Sop mengesel dan laaste by gevoeg Dorothy. Groete Annelien