Hoender filette met ‘n pruim sous
Pruime of pruimedante sal perfek vir hierdie vinnige resep werk. Indien jy pruimedante wil gebruik, ontpit en hidreer vooraf. Pruime is seisoenaal en kan te enige tyd met frambose, rooibosbessies, kersies, pynappel vervang word.
4 hoender borsies in blokkies gesny
1 groot uit, geskil en fyn gekap
250 g ryp pruimedante, ontpit, grof gekap
250 ml appelsap
1 t tiemie gedroog
2 e heuning
sout en peper na smaak
Braai die uie met n bietjie olie in ‘n voor verhitte pan tot glansend, ek vind deur ‘n knippie sout by te voeg die uie mooi glansend en soeter word. Skep die uie uit en braai dan die hoender blokkies tot gaar. Skep die hoender uit en hou eenkant.
Voeg die uie en pruime in dieselfde pan terug en braai totdat die vrug sag is en begin pap word. Voeg die heuning en tiemie by, geur na smaak en roer die hoender by. Bedien met Gebraaide rys
Bron: Annelien Pienaar, Studentekos, kortpad kos, 2021
Hoeveelheid: Genoeg vir 2 persone, vrieskas vriendelik
Gebraaide rys
Ek gebruik gewone rys, bruin rys of lang graan rys vir hierdie resep. Die rys is geurig en heerlik. Die rys kan ook net so geniet word of as ‘n bykos by ‘n uitgebreide spyskaart.
500ml (2k) Rys korrels
1.5liter (6k) Water
½ Groente Afteksel blokkie
45ml (3e) Olyf olie
45ml (3e) Botter
4 Spriet ui stingels, grof gesny
15ml (1e) Knoffel, fyn
2 Chillies, dun ringetjies, pitte verwyder, (kan met paprika or soetrissie vervang word)
45ml (3e) Parmasaan kaas, gerasper
Sout en peper na smaak
Metode:
1. Spoel die rys goed voordat dit gekook word om ekstra stysel te verwyder. Ons wil rys kook wat nie klewerig is nie, maar los. Kook rys vir 15 minute in gewone water, spoel met warm water en kook weer 10 minute en spoel weer met warm water. Vul nou water aan en voeg die aftreksel blokkie by. Kook die rys tot gaar en spoel weer goed, dreineer en hou eenkant.
2. Verhit ‘n pan en gooi die botter en olie saam in pan. Braai nou die rys vir 5-10 minute. Voeg die res van die bestanddele by en braai vir ‘n verdere 5 minute. Bedien warm.
Nota: Volledige artikel oor Rys, bevriesing, soorte en vele meer klik op die rooi skakel.
2 Replies to “Vinnige Hoender met pruimedant sous en gebraaide rys”
Annelien
Hanno, baie dankie vir jou navraag. Dit moet in die begin by kom. Ek het die resep se metode reg gemaak en die sap bygevoeg.
Groete
Annelien Pienaar
Annelien
Hanno, vanaf die begin. Skuus ek het die teks reg gemaak. Dankie vir die vraag. Groete Annelien