Hallo Tw
isters.
Hierdie was ‘n uitdagende week, ‘n week waar ek self ook nie toegang tot die webtuiste se “agterkant” gehad het. So kon ek ook nie veel help met navrae nie. Ons is nou amptelik aan die rol en glo dat alles klopdisselboom sal werk. Die arme webtuiste ontwikkelaar het seker gevoel, wat het hy aangevang om my as kliënt aan te neem. Elke geval, hy is super oulik en is kookwater by die beantwoording van navrae en rigting gee.
Hoe werk die storie nou? Daar is twee subskripsie opsies vir julle om van te kies. Beide se betalings werk presies dieselfde. Jy moet eers vooraf registreer wat basies beteken jy moet jou pos of fisiese adres invul en baie, baie belangrik jou epos adres. Ek het vir beide betaal opsies dinge so opgestel dat jy nie ‘n password of user id nodig het nie…want ek gooi myne altyd weg of vergeet. So, nou kry jy outomaties toegang sonder om weer iets te moet onthou.
Betaal opsie 1: Payfast: (ook geskik vir die internasionale intekenare) en alle soorte bank kaarte word aanvaar. Sodra jou betaling deur is sal jy direkte toegang tot die tuiste verkry. Omrede jy vir registrasie jou epos adres verskaf het, sal jy outomaties toegang kry. Maak seker van twee goed wat krities is: Die #1234 verwysings nommer en die korrekte spelling van jou epos adres. As jy verkeerd spel gaan jy nie toegang kry nie. Jy sal ‘n boodskap kry.
Betaal opsie 2: EFT: Hier gaan jy ‘n epos ontvang met my bank besonderhede. Maak seker dat jy jou eposadres reg invul en ook die #1234 verwysings nommer te alle tye meld waar gevra word. Maak seker jy stuur jou bewys van betaling via jou bank of ingescan na: boerekostwist@gmail.com. Sodra ek jou bewys van betaling ontvang, word jy dan toegelaat tot die membership.
Jy kan ook per kontant betaling betaal (onthou die verwysings #1234 nommer), maar jy moet nog steeds die EFT strokie invul en my epos as jy kontant gaan inbetaal. Sodra ek jou strokie ontvang, werk dit presies dieselfde soos met EFT verduidelik.
Daar is ook ‘n gratis kanaal, maar ongelukkig net 1 resep per maand wat ek kan deel.
Hoe gaan jy te werk om ‘n “Subscriber” te word?
1. Gaan na die webtuiste: www.annelienpienaar.co.za en kliek op die “Shop”.
2. Kliek direk op die aantal maande wat jy voor wil inteken: 6 of 12 maande.
3. Kies die opsie op die prentjie wat oop maak: Add to cart.
4. Kyk heel bo regs op jou skerm is daar ‘n rooi trollie. Die trollie sal ‘n syfer wys, gewoonlik is dit die syfer wat aandui hoeveel goedjies jy wil aankoop. Klik dan op daardie rooi trollie.
5. Die rooi trollie sal dan oop maak en vir jou vra watter betaal opsie jy van gebruik wil maak: Payfast vir die kaarte (Visa, Mastercard ens…ook vir internasionale intekenare) of EFT. Lees asb die vooraf gaande artikel in die nuusbrief oor wat nodig is.
6. Vul jou besonderhede in en hou jou epos dop vir instruksies of bevestiging van betaling.
7. Sit agteroor en geniet jou nuwe direkte toegang tot BKT.
Geniet die nuwe BKT tuiste en mag ons nog vir lank saam leer, kuier en kook.
Annelien
