Hallo Twisters. Die weke spoed verby en die naderende feestyd maak my benoud. Die eksamen is na die vakansie ook ophande en my spyskaarte moet aangepas word om meer te fokus op breinkos vir die familie se tyd van studies. Optimale brein funksie. Daarom bak ek met Flaxseeds, -seed olie ens. omdat dit ryk is aan die omega olies. Verder sit ek bietjie Evening Primrose oil by die daaglikse supplemente en maak seker die Filsityne eet ook heel grane wat gepak is met VitB groep sodat dit die senuweestelsel kan ondersteun. Dus, kan mens jouself gesond eet sonder om pille te moet drink. Hou maar die weeklikse nuwe resepte dop met idees hoe ek dit bewimpel.
Verder is daar lekker bederfies volgende week op die winkel rakke vir julle. Huisgenoot van 28 September het ‘’n hele uittreksel van Boerekos met ‘’n Twist se resepteboek gedoen en glo vir my, as jy nie die boek nou al kan bekostig nie, wel, gaan jy verseker paar goue resepte ontvang. Dan is daar paar plekke in die land waar ek getekende kopieë van BKT afgegee het. Julle kan in Stilbaai by Kasselshoop kaasmakery gaan inloer vir ‘’n kopie, dan Van Gaalen Kaas plaas in Hartbeespoortdam en Brits by Impala vleismark. Loot het nog steeds groot aanbiedinge op die boek en sal tot en met 2018 so wees. Dus, spaar rustig.
Ek gaan bietjie in Machaddodorp werk en Suurdeeg klas aanbied en boeke praatjie doen, 30 September by Milly’s. Daarna jaag ek terug om dan by Aardklop te gaan kuier vir 3 dae saam met Herman Lensing waar ons mekaar se boeke gaan bespreek. Ek is Saterdag vanaf 13h00 by ATKV se boeke tent om boeke te teken. Daarna gaan ek fort terug huis toe. So, besige tyd en hoop om iewers julle Twisters te ontmoet. Al kan jy nie ‘’n boek koop nie, kom sit en luister saam!
Aan die Engelse BKT volgers rig ek ‘n versoek dat julle asb na NB-uitgewers se webwerf sal gaan en dan ‘n navraag rig om die BKT boek in engels te kry. Hulle wag vir julle motivering. So help asb om hierdie moontlik te maak.
Groete
Annelien
