BKT Klets-kombuis

Hallo Twister.

Julle het lanklaas ‘n brief ontvang en daar is so baie wat tans afspeel en uitrol vir die komende jaar.

Ek is baie bevoorreg om aan te kondig dat Annelien Pienaar Voedsel konsultant op Maroela Media ‘n eie kolom gekry het om te skryf en te onderrig in die onderwerp van kos en ons gesin. Elke Woensdag rol daar op Maroela Media se Koolstofie my resepte uit. Hou ook sosiale media dop.

Dan is daar ook ‘n rits nuwe aanlyn klasse wat beskikbaar raak in die weke wat kom. Daar is die Royal Icing (zoo cookies) wat teen Vrydag beskikbaar gaag wees. Die video het verskeie afdelings en toepassings van hierdie tegniek om die mooiste koekies en ook versierings vir koeke en kolwyntjies te maak. Volgende in die rys is Pastei deeg, Suurdeeg en Kaasmakery. Indien jy ‘n aanlyn klas behoefte het en ‘n tema nie sien, epos my by boerekostwist@gmail.com en ek werk ‘n les plan uit. Dankie aan almal wat reeds die bestaande klasse ondersteun het en ook die positiewe terugvoering.

Ek toer hierdie jaar weer baie deur Suid-Afrika en is reeds vol bespreek tot en met einde April vir optredes. Indien jou kerk, VLU, tuis onderrig groepe graag ‘n kuier van my wil hê epos my. Die Beidekante dames groep waar ek ook betrokke is gaan ook reis met ons konsep deur SA. Loer gerus op ons webtuiste www.annelienpienaar.co.za. Ons bedien vanuit die perspektief van ‘n Voedsel konsultant, Lewensafrigter en Verpleegkundige wat gespesialiseer het met ‘n Meestersgraad in Essensiele olies en pyn beheer.

Ek wil ook hierdie jaar meer aandag aan Voeding gee en spesiale diete in die kollig plaas. Hou asb dop.

Mag dit ‘n wonderlike nuwe maand van Februarie wees en almal saam woeker.

Groete Annelien