Toebroodjies met ñ Twist

Caponata

‘n Veelsydige eiervrug smeer wat grof bedien kan word of selfs puree kan word. Die opsies is legio.

500 g eiervrug, geskil en in 2 cm blokkies gesny
Sout
6 e olyf olie
2 seldery stokkies
1 medium ui grof gekap
3 groot knoffel toontjies, grof gekap
¾ k tamatie sous
½ k groen olywe, grof gekap
2 e kappertjie saad, grof gekap
2 e bruinsuiker
¼ k wit asyn
1 baugette in skywe gesny en gerooster

Sprinkel genoeg sout oor die eiervrug en laat staan vir ‘n uur. Dreineer dan en moenie af spoel nie.

Braai die ui, seldery tot glansend met olyf olie. Voeg knoffel by en roerbraai vinnig. Voeg die res van die bestanddele by en kook tot amper dik sonder deksel by matige hitte vir 15 min.

Braai die eiervrug stukkies in ‘n voor verhitte pan met olyf olie tot bruin. Pak die geroosterde broodjies uit op ‘n opdien bord en skep eerste met eiervrug en bedek met die sous. Bedien dadelik.

Ek is baie lief vir vars koljander blare of basillie kruid vars gekap.

Sous kan vir 4 weke in die yskas gestoor word. Eiervrug stukkies kan nadat dit gesout was net so bevries word vir latere gebruik.

Kekerertjie, babaspinasie en gerookte worsie broodjie

Ek is baie lief vir kekerertjies (chickpeas) en enige vorm en kombinasie van hierdie heerlike vullende boon is ‘n moet vir elke broodjie.

2 e olyfolie
1 klein ui, gekap
3 knoffel toontjies, fyn gedruk
250 g gerookte worsies soos chorizo
¼ k aftresel van keuse
450 g baba spinasie blare
1 ½ k geblikte kekerertjies of een groot blik, dreineer. Gebruik die ertjie water as vervanging van eier in ander geregte. Vries ook goed
1 t gerookte paprika
1 baugette in skywe, gerooster en warm gehou.

Braai uie, knoffel en worsie saam tot glansend en gaar. Roerbraai die spinasie blare by tot net net pap en dan die res van die bestanddele.

Bedien warm op ‘n broodjie. Hierdie is ook ‘n heerlike bygereg.

Bron: www.annelienpienaar.co.za
Beide resepte is genoeg vir 4-6 porsies