Gemarineerde Baba aartappel en dragonder slaai

Hierdie is ‘n vinnige en eenvoudige Duitse warm aartappelslaai resep en deur net die volgende asyn en olie bereidings in voorraad te hê maak die lewe sommer soveel makliker. Die slaai se sous is die hele geheim en dan tyd om te laat marineer. Die slaai hou baie goed in die yskas tot en met 5 dae. Perfek vir ‘n naweek wegbreek of net lui-huisvrou kos. ʼn Maaltyd kan geskep word met hierdie slaai en deur net bietjie proteine gaar te maak, ertjies, seldery, songedroogde gemarineerde tamaties, stukkies spekvleis of ham by te voeg, olywe…dit word ʼn heerlike kreatiewe slaai. Dus die basis word gegee en jy kan na hartelus Twist.

Songedroogde tamatie resepte om te oorweeg:
Songedroogde tamatie in olie
Songedroogde tamatie smeer

BKT kookboek loer onder Pesto

Gegeurde Asyn
1 k Rou appel asyn is verkieslik maar enige ander helder asyn kan ook werk
1 e Dragonder (Tarragon) droog (Woollies hou aan)

Laat vir 3 dae by kamer temperatuur staan en dreineer die asyn. Hou die asyn dan in die yskas vir maande en gebruik soos nodig.

Gegeurde olyf olie
1 k olyfolie
1 knoffel toontjie gekneus

Laat vir 3 dae by kamertemperatuur staan. Dreineer en stoor in die yskas vir maande.

Wit wyn
Moenie swak kwaliteit wit wyn gebruik nie. AS dit nie goed genoeg is vir drink, dan is dit ook nie goed genoeg vir kook! My seleksie is Chardonnay of ʼn Chennin blanc met heerlike vrugtige geure wat trou met die Tarragon.

Nota: indien jy nie alkohol mag gebruik: vervang dan die sap met ʼn ligte aftreksel wat jy aanmaak. Tarragon alternatiewe: origanum, basil, tiemie, dill

1-2 kg baba aartappeltjies, geskil, lou warm gekook in sterk sout water
½ k gegeurde olyfolie
¼ k gegeurde asyn
½ k witwyn
3 e suurroom of roomkaas
1 e dijon gladde mosterd
3 e mayonnaise
1 t tarragon, gedroog
3 e fyn parmassaan
Peper na smaak

Meng al die sous bestanddele saam en giet oor die aartappels. Laat oornag rus in yskas voordat jy bedien. Bedien by kamertemperatuur of liggies weer net opgewarm.

Bron: www.annelienpienaar.co.za 2022 deur Annelien Pienaar
Hoeveelheid: 4-8 porsies