Franse rooster brood kinkel!
Dink heerlike geure van kaneel, soet-sout-karamel lagies deeg rolletjies wat jy so lagie vir lagie van mekaar af rol terwyl jy onder in die pan die ekstra karamel sousie op slurp… Ons praat tuis van die knoop-en-doop broodjie.
250 ml (1 k) melk wat effens verhit is, maar nie te warm dat jou vingers sal brand. (Te warm melk sal die gis selle dood maak.)
10 g kitsgis of 10 g brouers gis (brouers gis moet eers in die melk oplos, kan nie dit direk in meel gebruik)
2 groot (large) eiers
5 e gesmelte botter
½ k witsuiker
560 g (4 k) koekmeel
½ t sout
Meng die droë bestanddele saam en voeg die vloeistof by en knie die deeg tot glad. Laat die deeg dan bedek rys totdat dit verdubbel het in volume. Indien dit koue weer is, plaas die bak in die mikrogolf oond om soos ‘n warm broeiplek te dien.
Vulsel
½ k botter wat verhit word oor matige hitte totdat dit ‘n mooi strooi kleur raak en die stukkies in die botter verbruin
1 k treacle suiker
2 t kaneel
1 k fyn gekapte pekans
Sodra die deeg verdubbel het in volume, keer dit uit op ‘n meel bestrooide oppervlakte en rol in reghoekige vorm ongeveer 1 cm dik. Rus deeg tussen poses om verder te strek.
Smelt die botter, smeer dit oor die deeg en meng die kaneel en suiker saam en sprinkel oor die botter en laastens die pekans. Rol die deeg op en sit vir 5 min in die vrieskas. Dit help dat die deeg makliker in skywe sny. As jy haastig is slaan hierdie stappie oor.
Sny die deeg in 2 vinger lengte skywe en pak in ‘n diep oond pan van enige vorm.
Laat die deeg weer dubbel die volume rys of goed uit gepof vir 50 min.
Eier laag
1/2 k melk
½ k room
2 groot eiers
½ k veriersuiker
Giet die eierlaag oor en bak die brood bedek vir 60 minute by 170C. Sodra die brood gaar is, haal dit uit en maak oop, laat goed afkoel.
Glanslaag
1 k versiersuiker
1/3 k heuning of esdoring stroop (maple)
¼ k melk
1 t vanielje geursel
1 t suurlemoensap
Sodra die brood verkoel het, giet die glans laag oor en geniet die heerlike soetheid!
Bron: www.annelienpienaar.co.za deur Annelien Pienaar 2020
Hoeveelheid: 4-6 porsies
Resep kan met gemak vermeerder word.
