Hierdie eerste week van die nuwe jaar was ‘n baie besige een in die Pienaar-huishouding gewees. Twee van die Filistyne het verjaar, ‘n week uit mekaar en ek het net besef dat die decade gaping tussen die oudste en die jongste is erg. Mens het so afgestomp geraak omdat die seuns nou groot is en nie regtig wil partytjie hou en sussie se partytjie was maar altyd ietsie wat jy saam skooltoe stuur. Hierdie jaar begin die skool aansienlik later en sus het haar droom partytjie gehad.
Ek het met julle in hierdie week se nuusbrief die resepte wat ons gebruik het vir haar verjaardag gedeel. Kyk mooi, ek het nou slim geraak en geleer hoe om hyperlinks te doen na die resepte op die webtuiste en jy kan nou met gemak op ‘n link klik (die blou gehilite woorde) en dit neem jou waar jy moet wees, sonder om ‘n resep te gaan soek.
Daar is die Zebra Marmer koek, Tuna en Ham tertjies en ‘n baie ou resep die Doughnuts. Hierdie Doughnuts resep is regtig deur die lesers beproef en almal is eens, dit werk perfek.
Geniet die nuwe resepte.
BKT groete
Annelien
