Heerlike veerligte en sagte nougat wat netjies in ‘n houertjie gespuit en bedien kan word. Heerlik om in piekniek mandjies te pak asook om n tafel mooi te tooi vir ‘n spesiale geleentheid. Hoe dit ook al is, hierdie resep is verseker iets om te MOET probeer! Onthou asb hierdie resep is NIE n EGTE nougat NIE! Dit is ‘n loperige, wollerige en somer soentjie sag!
Maak ook vinnig jou eie Malvalekkers (Marshmellows) dan het jy nie nodig om winkel toe te gaan en ek vind dat tuisgemaakte Malvalekkers ‘n meer stabiele nougat gee. Klik hier: Malva lekkers/ Marshmellows
230 g (1 k) botter of bakkers margarien (80%) vetinhoud, kamertemperatuur, ferm maar nie pap!
200 g Kondensmelk (ongeveer ‘n halwe blikkie) plus 2 e
150 g Marshmallows (wit verkieslik)
15 ml (1 e) water
Plaas die botter in ‘n mengbak en begin deur dit te klits tot romerig en lig by matige spoed. Stop gereeld en skraap die kante van die bak af soos jy werk. Ongeveer 5 minute se klits is perfek.
Klits die kondensmelk by en hou aan klits totdat die bestanddele deeglik vermeng is.
Plaas die malvalekkers en water in ‘n glas bak en verhit 30 sekondes in die mikrogolfoond. Roer deur en verhit weer 30 sekondes en roer. Hou so aan totdat die malva lekkers gesmelt het.
Klits die malva lekkers by die kondensmelk versiersel in. Hier kan jy besluit hoe styf jy die nougat wil hê. Indien styf, plaas bak vir ‘n uur in die yskas en klits weer deur. Ek vind dat ‘n matige dikte ‘n heerlike taaiheid en rek aan die mengsel gee. Dus verkoel ek dit nie maar spuit met ‘n viersiersak direk in houertjies en skroef toe. Hier stel ek voor om te speel met verskillende teksture en diktes asook bestanddele wat jy wil byvoeg.
Idees vir variasies op geure en ook op voorkoms.
Ek gebruik gedroogde Framboos poeier wat ek self maak deur Frambose (raspberries) te droog en dan met ‘n Bamix fyn te maal in ‘n poeier. Sodra die mengsel gereed is sif en ‘n baie ligte lagie van die poeier oor en vou baie liggies in. Dan skep ek dit oor in ‘n versier sak en spuit in mooi botteltjies.
So kan mens verder met geursels speel en met dit dalk bros stukkies wat die geur komplimenteer byvoeg.
Bv. Vanilla en sjololade splinters, Neute en kaneel, Rum en rosyntjie…dink aan oulike idees. Selfs iets soos organiese roosblare en turkse lekkergoed, Fudge!
Rum ‘n raisin: 1/2 k gesmelte sjokolade, rumgeusel en rosyne ingemeng by gesmelte malvalekker
Sjokolade: 2 e kakao gesif en 1/2 k gesmelte sjokolade by malvalekker in gemeng.
Wenk: hierdie nougat is ook heerlik as ‘n koek vulsel of selfs versiersel laag!
Bron: www.annelienpienaar.co.za deur Annelien Pienaar, 2022
Hoeveeleheid: 6 x 100 ml / g bottels
Raklewe: 4 weke in die yskas
