Fluweelagtig, sag en dekadent is al wat ek kan sê oor tuis gemaakte Malvalekkers. Jy kan al die kleure van die reënboog maak en die wonderlikste geure om jou op ‘n fantasie vlug te neem! Van pragtige kinder partytjies vir n feë prinses tot ‘n see rower met sy ruwe rowwe skip, kan daar vir ieder en elk ‘n heerlike lekker gemaak word.

Malvalekker stof resep
130 g (1 k) versiersuiker
60 g (1/2 k) mielieblom (Maizena)

Hierdie resep het vele opsies om gevorm te word:
Versierbuis: gebruik ‘n no 38 groot ster punt of enige ander punt wat groot is sodoende makliker die meringue mengsel te kan spuit. Gebruik 2 oond panne en sprinkel 5 mm dikte Malvalekker stof.

Pan: Gebruik ‘n pan van ongeveer 20 cm x 30 cm om die meringue mengsel in te skep en gelyk te maak. Sprinkel ‘n 5 mm dik laag Malvalekker stof op die pan se bodem. Daarna kan die malvalekker gesny word met ‘n warm, droë mes. Alternatiewelik kan vormpies gebruik word om in die oppervlakte gedruk te word. Onthou net om altyd vir vormpies druk vooraf te bepaal of die drukkertjie hoog genoeg gaan wees om die dikte van die pan te pas. As die malvalekker te hoog is gaan ‘n te lae koekie drukker probleme gee.

Silikoon vormpies: dit is baie belangrik om die pannetjies met kleefwerende kos sproei te spuit en dan met ‘n tee siffie Malvalekker stof in te sprinkel. Dit sal help dat die malvalekkers maklik uit glip.

400 g wit suiker
20 ml glukose stroop of goue stroop
250 ml kraan water
20 g (2 e) gelatien poeier gesprinkel oor 50 ml kraan water en vir 10 minute gelaat om te hidreer of 6 velle gelatien in ‘n bakkie water geplaas om sag te word, die velle moet bedek wees en 10 min hidreer.
2 groot eierwitte, kamertemperatuur
1/4 t krematart
5 ml water basis geursel
Kleursel na gelang van keuse (gooi twee skakerings donkerder in want hoe meer jy klits hoe ligter raak die mengsel
Knippie sout

Voeg die water, suiker, sout en stroop in kastrol van 20 cm deursnit. Dit is kristies belangrik om hierdie grootte kastrol te gebruik want dit sal diegene wat nie ‘n suiker thermometer het baie help want ek die tyd presies geneem sodoende jou te help om die regte verdampings tempo te kan bepaal om by hardebal suiker stadium uit te kom of 118C.

Roer oor lae hitte die mengsel totdat al die suiker gesmelt het. Was die kante van die kastrol met ‘n kwassie wat in water gedoop is af. Die mengsel mag nie kook voordat al die suiker opgelos het.
Sonder termometer: Sodra die suiker gesmelt het stel jou tyd teller vir 8 minute. Draai die hitte na die hoogste wat dit kan gaan en kook dit tot en met 6 minute. Met termomnter: Eind temperatuur moet 118C wees maar by 115 C begin met die klits van die eierwit soos hiernaas beskryf. Hou aan met kook maar begin om die eierwitte en kremetart styf te klits. Wees hier gewaarsku, die eierwitte moet stywepunt stadium wees, die merkies van die spaan moet wys in die eier, maar nie los bolle maak. Dan het jy te veel geklits. Sodra die suiker stroop 8 min/118C se bereik, haal van hitte en voeg die gelatien by. Roer goed deur.

Giet die mengsel in ‘n dun straaltjie op dieselfde kolletjie by die eierwitte en hou aan op ‘n matige spoed klits. Tydens die klits voeg dan kleursel en geursel by. Moenie skrik as die eierwit dalk loperig raak, wees geduldig en bly klits vir ongeveer 8-10 minute totdat die mengsel aan die spaan vas klou en ‘n bol maak.

Verwerk dan die mengsel soos in die inleiding van die resep beskryf.

Sodra jy klaar gewerk het, sprinkel die oppervlakte van die Malvalekker weer met die stof en laat dan om oornag te set. Verpak in lugdigte houers en hou op die rak vir 4 weke.

Mag ieder en elk wat hierdie resep maak, sommer baie genot put uit die maak en deel van die soetheid met geliefdes. Geniet saam met die bêre mengsel Cup-a-chino of  die Warm sjokolade bêre mengsel in die Boerekos met ‘n Twist kookboek p.212

Bron: www.annelienpienaar.co.za deur Annelien Pienaar, 2015
Hoeveelheid: 40 blokkies