Nutty wheat is ‘n groot kopkrapper en ek mag nie ‘n resep vir dit met die titel as Nutty wheat gebruik op die webtuiste omdat dit ‘n geregistreerde handelsmerk is. Maar ek kan julle wel hier help sonder om probleme te kry.Net gou ietsie oor die nutty deel. Die kiem (germ) die deel van die saad wat vol olie en goeie goed is, word in hierdie meel in hoe konsentrasie gebruik, dit is waar die neutagtige smaak vandaan kom. Jy kan met wheat germ wel aanvul maar ek vind dat deur iets soos Eurekamills of enige ander steengemaalde meel se bruinbrood meel te gebruik, sal mens dit nie benodig want die kiem is deel van steengemaalde meel. In kommersiele meel word dit vir langer raklewe verwyder. So na baie toetse en speel in die kombuis is hierdie vir my die beste kombinasie nog vir eie Nuttywheat:Resep
2 dele koekmeel
1 deel bruinbrood meel (verkieslik steengemaal)
1 deel semels
Dus in Afrikaans:
280 g koekmeel (2 k)
140 g bruinbrood meel (1 k)
30 g semels (1 k)
Meng saam en daar het jy jou eie! Skryf hierdie in jou BKT kookboek neer.
www.annelienpienaar.co.za 2018
2 Replies to “Nutty wheat vervanging”
sue gomes-Luis
Beste Annelien- Het juis vandag so n resep gegoogle – dankie vir die Afrikaanse weergawe! 🙂
Sou mens dit vir Beskuit wil gebruik ( ek koop Sasko Selfraising Wheat Bran Flour – maar hulle het nooit vooraad nie- hoe omskep mens dit in 1 kg Selfraising vir besluit?
Annelien
Hallo Sue jy gaan dieselfde omskakeling doen soos vir die resep Maak jou eie Bruismeel…of dit nou wit meel of bruin meel is. Loer op die webtuitste vir die resep. Groete Annelien