WAT OM TE DOEN AS JOU STAANMENGER NIE MOOI AL DIE DEEG VAN ONDER MENG NIE
KENWOOD
Dit is baie belangrik wanneer jy jou menger gebruik en die bak uitskraap vir byvoorbeeld ‘n koek, daar geen droë bestanddele mag agter bly nie. Dit beteken dat die haak te hoog is.
Selfs met brood knie is die deeg nie veronderstel om droë kolle onder in die bak te hê nie.
Ek hoop julle gaan julle mengers sommer baie geniet. My menger is 22 jaar oud en my pa het dit nog vir my op my 21ste verjaardag vir my gekoop…daardie tyd was die probleem nie in die boekie gestipuleer nie, asook nie gekom met die bypassende moersleutel nie. Deesdae is die nuutste Kenwoods almal toegerus met hierdie inligting in die Handleiding asook die moersleutel wat saam kom. Daar is egter ook Kenwood staan modelle wat NIE met moere op die hake toegerus is, maak seker voor jy ‘n staanmenger aanskaf dat jy hierdie faktor in gedagte hou. Ek verkies om self te kan stel, maar jy betaal egter meer vir hierdie opsie.
As jy na die verskillende spane kyk sal jy ‘n moer aan die bopunt sien. Daardie moer moet na bo geskuif word sodat die spaan langer kan word. Plaas ‘n 5c muntstuk in die bak en draai die lem. As die lem die muntstuk eweredig met elke draai skuif is die lem se hoogte vir optimale meng perfek reg. As die lem die muntstuk effens raak en soms oorslaan om te skuif in die bak, is die lem nog te hoog.
Kitchen Aid
Hierdie mengers sal julle merk se spane het nie moere op die spane nie. Maar jy sal met die staan modelle wat soos ‘n Kenwood oop slaan na agter, wel merk dat daar teen die rug kant ‘n swart skyfie is met ‘n gleufie in. Hierdie gleufie is die plekkie waar die spaan langer en korter verstel kan word. Neem net ‘n 5c muntstuk om die skyfie te draai. Kloks gewys is langer en anti-kloksgewys korter. Volg dieselfde instruksies vir toets soos vir die Kenwood beskryf.
Kitchen aid mengers wat met die slingertjie op en af beweeg, se swart skyfie kan teen die kante van die menger se kop gevind word en presies soos hierbo uit een gesit verstel word.
Bron: www.annelienpienaar.co.za November 2015
2 Replies to “Elektriese mengers wat nie tot onder meng”
Linda
Hi. Ek het n Russel Hobbs menger en wil glad nie aanskakel nie. Sal so graag rede wil weet. Het nog gewerk en toe ek weer wil gebruik toe gebeur dit.
boerekostwist
Linda, ek kan jou eerlikwaar nie antwoord op dit…dit kan wees dat ‘n ratjie gebreek het of ‘n borseltjie op die motor gebrand het. Neem jou menger asb na ‘n hersteldiens.
Groete
Annelien