Gedroogde sitrus skil is goud werd in enige huis en met hierdie skil kan die aller heerlikste in vryf soute gemaak word. Verder kan die skille gebruik word om in stroop vir koeke en iets soos koeksisters gebruik word om as hoof geurmiddel te dien.
Droog van Sitrus skil
Vir hierdie projek het ek suurlemoen skil gebruik. Ek waarsku nou al dat Lemmetjies se skille geneig is om GAL bitter te wees. Hou verby!
Sny die skil so dun moontlik van die suurlemoen af en sny dan in vuurhoutjie dikte repies om vinniger te droog. Sit op koerant, sprinkel liggies met sout en droog weg van die son vir 5 dae tot droog. Heirdie skille kan vir ‘n jaar in ‘n bottel gehou word en niks oor kom. Sit so paar rys korrels onder in die houer en dit sal nie muf op die rak.
Suurlemoen en Vinkel in vryf sout
Hierdie sout is heerlik saam met bees en vark asook vis. Ek gebruik dit ook as ‘n sprinkel sout oor slaaie en ongegeurde en onversoete jogurt. Perfekte geskenkies aan gaste.
4 k medium growwe sout
8 suurlemoene se skil gedroog
8 t salie blare (sage)
16 e vinkel saad (Fennel) Bakkers winkels.
4 t rysmeel (koop dit by Dischem loer vir Natures choice)
Rooster die vinkel saad in ‘n warm pan vir 1 minuut. Giet oor in meule of voedselverwerker of gebruik ‘n blender stokkie… Voeg daarby die gedroogde skil en salie blare. Maal fyn na keuse. Voeg die sout by en meng goed. Voeg dan die rysmeel by om sodoende klonte te voorkom en dit help ook verder die sout kleef as dit met olyf olie gemeng word vir ‘n invryf sout.
6 Replies to “Suurlemoen en Vinkel sout”
Herman Kern
Kortpad vir kleiner hoeveelhede of haastge gebruik, rasper suurlemoen skil met fyn rasper, voeg by die sout, salie-blare en gebraaide en gemaalde vinkel-sade mengsel, ongelukkig moet jy maar jou hoeveelhede skat.
Annelien
Herman, ja, as mens die sout een keer gemaak het sal mens vinnig so ‘n “oog” ontwikkel vir wat die gerasperde hoeveelhede toe moet wees. Ek geniet dit om so met die sterkte van die skil te speel. Geniet. Groete Annelien
Lida Hugo
Moet die salie ook droog wees?
Annelien
Lida, jy kan gedroog of vars gebruik. Groete Annelien
Tracey Grobbelaar
Kan mens die salie en vinkel met droë Roosmaryn vervang?
Annelien
Tracey,
Dit is moontlik ja.
Groete
Annelien