‘n Vinnig alles in een nagereg so oor die kole. Ontbyt kos word ook sommer jou nagereg met die lekkerste kinkel met geure van karamel, piesang en die bros kraak van muesli en neute! Voeg daarby ‘n skeutjie room en jou dag word net nog beter! Jy kan hierdie gereg met enige vrug van jou keuse maak! Ek neem ‘n basiese Streusel resep uit Boerekos met ‘n Twist die kookboek en kombineer dit met vrugte, suiker en room vir ‘n heerlike karamel bederf met ‘n broslagie. Hierdie nagereg kan koud of warm bedien word…daarom maak dit die perfekte kamp bederf.
1 k muesli
½ k koekmeel
½ t bakpoeier
3 e botter
3 e grondbone botter (opsioneel vir allergië)
3 e suiker of bruinsuiker (sagte soort, treacle/ muscavado / demarera)
Plaas die koekmeel, bakpoeier, botter, grondbone botter en suiker in ‘n mengbak en vryf die botter in die meel mengsel in totdat dit soos brood krummels lyk. Voeg die muesli en dalk as jy het, ekstra neute by.
6 medium piesangs, lang repe of skywe, jou keuse
¼ k bruinsuiker
3 e botter
1 k room
Plaas die suiker en botter in ‘n pan en smelt die mengsel tot een gladde mengsel. Roer terwyl die suiker en botter smelt. Sodra die mengsel gesmelt het voeg die room by en kook vir 5 minute. Pak die piesangs in die onderkant van die pan in lagies op mekaar.
Sprinkel die muesli mengsel oor en bedek die pan met foelie en bak dan oor matige kole vir 25 minute totdat die piesangs gekarameliseer het.
Bedien met ekstra room en as jy ‘n kamp yskas het, nog beter, heerlike vanielje roomys!
Bron: www.annelienpienaar.co.za vir Boerekos met n Twist!
Hoeveelheid: 4 porsies
2 Replies to “Karamel-Piesang-eenpan nagreg oor die kole”
Hanlie Smal
Hello Annelien – wanneer kom daai bruinsuiker, botter & roommengsel by? Word dit oor die gesnyde piesangs
gegooi en dan word die muesli oorgestrooi?
Annelien
Hanlie, soos die titel aandui dit is ‘n EEN PAN gereg. Alles gaan in EEN pan. Soos jy die metode volg voeg jy die bestanddele in lae in die pan. As mens kamp wil jy nie met berge skottelgoed sit nie. Hoop ek maak sin.
Groete
Annelien