Toenemend kry ek navrae oor gis en broodbak in die algemeen en daarom hierdie inligtingstuk om julle te help om suksesvol brood te bak en dan later te motiveer om ‘n Suurdeeg klas by te woon in die BKT toets-kombuis.
Vir alle praktiese doeleindes gaan ek eers verduidelik hoe om hierdie dokument te gebruik. Elke punt wat gelys word met die skakels waarop jy kan klik sal jou onderliggende kennis stappie vir stappie bou. Kyk ook mooi watter skakels is gratis en watter nie. Ek het wel die onderliggende kennis skakels as gratis gemerk om julle te motiveer om nog verder te wil leer en meer te wil waag. So, waar begin ons? Die gis en hoeveel om te gebruik asook die soorte. Daarna bak ons ‘n eenvoudige brood en eindig met ‘n spesialiteits gesondheids broodjie.
Klik op die rooi dele om jou na die inligting te neem
- Gratis: Gis soorte en gebruike
- Gratis: Wat jy moet weet van die koringmeel wat jy gebruik: Steen gemaal vs Kommersieël
- Gratis: Roosterkoek se resep kan vir Broodbak en ook pizza basis gebruik word.
- Heel koring volgraan brood (Brein-kos)
- Quinoa Brein-kos broodjie, hierdie broodjie se bestanddele is gepak met proteine en hou bloedsuiker vlakke vir langer konstant. ‘n Baie belangrike broodjie in ons daaglikse spyskaart.
- Hoofstuk 4 van die Boerekos met ‘n Twist kookboek is gepak met gis gebak resepte van beskuit tot brood. Die boek is in Engels en Afrikaans beskikbaar. Bestel die BKT kookboek hier…
- Skakel na die Volledige lys van Brood en Beskuit afdeling van die webtuiste
Nota: Vir punt nommer 3 om brood te vorm:
- Hoeveel deeg per pan?
Daar moet genoeg deeg in ‘n pan pas om dit halfpad vol te maak: Onthou brood moet sy volume verdubbel in die pan voordat dit gebak word. Die brood rys dan nog ‘n derde as dit bak. Ek gee nooit ‘n presiese tyd vir die rys van brood, jy moet eerder oordeel soos verduidelik per oog. Winter en somer is twee verskillende probleme…somer wil die deeg weg hol en in die winter is dit stadig om te rys. So, gebruik dus die half vol beginsel en laat gelyk met die pan rys voordat jy bak. - Vorming van die “loaf”: Hierdie is ‘n baie belangrike beginsel om toe te pas anders gaan die brood vormloos uit kom. Neem en bepaal hoeveel deeg in die pan sal gaan. Plaas die deeg op ‘n werksoppervlakte wat met ‘n klein bietjie meel bestrooi is. Druk die deeg plat in ‘n reghoek. Rol die deeg redelik styf soos ‘n rolkoek op en knyp die kante toe en vou na onder waar die naat lê. Plaas die deeg met die naat na onder in die pan. As die naat verkeerdelik na die kante sou wys of na bo, moet jy besef dit gaan soos ‘n rolletjie papier oop spring en ‘n lelike kraak maak as die brood gebak word.
- Hoe lank gaan jy bak en hoe warm?
Vir elke 500 g deeg bak die brood 35 minute by 180C. Indien die gewig dan oor 500g gaan, moet elke 500g inkriment met 10 – 15 minute baktyd verleng word.
Bron: Annelien Pienaar Voedselkonsultant, 2019
