Geskenke-uit-jou-koskas is hierdie jaar 17 jaar oud. Die konsep het ontstaan vanuit my eie huis en ‘n baie spesiale kas wat elke maand die afgelope 29 jaar van getroud wees, aangevul word met tuisgemaakte produkte soos bottel en bêre items: groente, vrugte, beremengsels, lekkers, soute, gedroogde produkte, boerseep en alle variasies daarvan, velsorg produkte met essensiele olies te kus en keur, handgemaakte items soos voorskote, loop slopies, vatlappies en alles wat mens van kan. Ek is ʼn hopeloos as dit by gee kom..die kas vlieg oop en jy stap weg met berge persente want dit is lekker om iemand te kan bederf. Graag deel ek elke jaar unieke en oulike idees wat jy huis toe neem om ander ook mee te bederf.
Wat kan jy verwag?
- Gedroogde vrugte pakkies.
- Toor salf vir wonde en insek byte.. Badsout met ʼn kinkel met ʼn essensiele olie praatjie daarmee saam.
- Fermented drankies onder bespreking en demo…jy proe heerlik saam.
- Koekies, sjokolade stukke, sjokolade fudge en verpakking saam met Cricut SA se nuutste produkte, Joy en Maker
- Bêre mengsels: Koekies vir Kersboom kuiertjies
- Charcuterie en kaasbord idees vir voorgereg en uitpak vir groter hoeveelheid mense
- Organiese invryf soute met vars kruie uit my plaas groente tuine: Jy maak jou eie kombinasie met al die bestanddele beskikbaar.
Jy neem ʼn wye verskeidenheid van hierdie items wat gelys is huis toe vir die hele gesin om saam te geniet. Hierdie is ʼn semi demonstrasie en saam-doen klas. Ons eet heerlik saam na afloop van die klas!
Alle klasse begin om 09h00.
Parkering
Hekke open om 08h45. Draai dadelik links by die eerste ingang. Hou links by die vurk en dan reguit aan met die paadjie en parkeer onder die bome agter die Ateljee. Stap met die kronkel paadjie na regs by die afdakke…ek wag vir jou met heerlike Boeretroos en beskuit!
Groete
Annelien Pienaar
Reviews
There are no reviews yet.