BKT Klets-Kombuis week 9

BKT Klets-Kombuis week 9

Hallo Liewe Twister,

Die week het verby gesnel en nooit ‘n vervelige oomblik in die Pienaar huis en waar meeste van julle resepte ontwikkel word. Hierdie week het ek nuwe goed probeer met die Filistyne vir etes en sommiges het goed af gegaan en ander…minder goed. Manlief is maar ‘n koppige eter en rys, vleis en aartappels is sy stapel voedsel…soms geniet hy ‘n slaaitjie en hy sit nie sy mond aan hoender. Die kinders is weer baie gehoorsaam en eet alles wat voorgesit word, want hulle weet…as jy nie eet, ma het vrede, jy kan maar honger slaap. So staan ek nou die dag en gesêls met ‘n nuwe mamma en die is absoluut teen pakslae…wel ek ook…tot ‘n mate. Na ons gesprek dink ek aan hoe ons die kinders groot gemaak het. Ek het ‘n baie rigiede rotiene met die baba’s gehad en vasgebyt totdat daar ‘n patroon gevorm het. As ek nou aan die middelste rooikop dink, weet ek nou nog nie hoe ek dit gemaak het. Die jonge rooie dingetjie het koliek gehad. Ek dink as ek hom eerste gehad het sou ek nie nog wou kinders kry, met die vrees vir nog so ‘n skree sessie. Ek het vir 4 maande vas gebyt, die baba letterlik op my bors vasgemaak en hom so regop gedra. Dit was al wat hom rustig gemaak het. Die rotine, wel, dit was onwrikbaar vas.

Toe besef ek eensklaps dat hierdie rigiede rotines (wat ons as jong ouers) instinktief toegepas het…outomatiese dissipline by die kinders gekweek het. Ek dink ek kan op my een hand tel die kere wat ek ‘n raps gegee het. Rooikop is natuurlik dodelik bang vir ma se stem! Ek sit soms en wonder watter tipe etertjies hulle sou gewees het as ek nie so gefokus het op wat hul eet? Ek weet net dat die Filistyne van my lief is vir vars groente en baie water. Vleis natuurlik altyd eerste keuse met etes, maar soms deur die week eet ons vir 2 dae nie vleis. Nie omdat ek wil nie, maar omdat vleis so duur geword het. Vandat ons so begin eet kan ek ook sien die kinders is meer engergiek. Ek maak peulgroente gaar soos ‘n dahl en bedien dit met ‘n roti. Of ‘n heerlike tuinslaai met neute en ertjies en so bietjie alternatiewe proteine soos Quinoa. Punt is, ons kan goedkoper eet deur die kinders van jongs af te wys, vars eet is lekker.

Verder loer gerus op die onderstaande skakels na die resepte wat ek hierdie week vir julle getoets het. Twee van die resepte is nog nie afgeneem en sal dit oor die naweek doen. Geniet julle naweek en rus heerlik uit, want ek het wonderlike nuwe planne vir Melktert week.

Mango Blatjang
Songedroogde Tamaties
Bone Broth
Vleis- en Groente Aftreksels

BKT Klets groete

Annelien Pienaar

2018-02-23T19:07:35+00:000 Comments

Leave A Comment

This site uses Akismet to reduce spam. Learn how your comment data is processed.