Peppersteak pastei is seker een van die lekkerste items op ‘n spyskaart. In hierdie resep fokus ek op die bereiding van die vulsel en gee skakels na Pastei deeg resepte wat oorweeg kan word. Ek hou van die tradisionele warmwater pastei deeg opsie omdat dit so vinnig werk, bros maar ferm is as mens handpasteie oorweeg.

Pastei korse om te oorweeg:

Deeg
230 g koekmeel
Knippie sout
100 g vet of ghee
90 ml water
1 eier om te verglans plus 3 e melk

Meng die sout en meel saam in ʼn mengbak. Neem 30 g van die vet en vryf dit met die vingerpunte in.

Verhit die water en res van die vet saam tot onder kookpunt. Die water moet net net begin borrel. Giet die warm vloeistof direk by die meel en roer totdat dit bymekaar kom met ʼn hout lepel. Indien jy ʼn menger het, sal dit makliker wees en knie tot glad, maar oppas vir oorwerk. Die deeg moet net net bymekaar kom. Per hand gaan jy so paar minute wag en dan die deeg deur knie vir ʼn minuut en dit plat druk in ʼn sakkie. Gebruik die deeg dadelik.

Neem bakkerspapier en bind dit romdom ‘n 15 cm koekpannetjie se buitekant vas. Dit sal help om later die pan makliker te verwyder sodat die deeg op sy eie staan. Vorm die deeg in ‘n bol en druk die middel plat sodat die pan op dit pas. Vorm die deeg dan met jou hande rondom die pan, dit is amper soos om by die see sandkastele te bou en sand vas te druk. MOENIE groter as ʼn 15cm pan gaan nie, want die deeg sal oop bars en sy inhoud verloor. Wees baie versigtig. Jy kan basies enige ronde vorm gebruik soos ʼn konfyt botteltjie of blikkie. Die keuse is joune. Die voorbereiding is egter krities.

Verkoel hierdie deeg pakkie met sy deksel vir ‘n uur in die vrieskas indien moontlik anders yskas vir 2 ure. Berei solank die vleis vulsel.


Soda water pastei deeg

Veiligheid by die bereiding van alle pasteie:
Maak seker jy lees die artikel sorgvuldig deur want alle Gesondheids- en veiligheidsreels word hierin vervat. As jy pasteie berei met die doel om te verkoop is hierdie artikel krities.
Bereiding van Bevrore voedsels

Vulsel
Hierdie vulsel vermeerder met gemak met x2, x5 en x10
1.25 kg sirloin, rump of silverside steak blokkies
3 groot uie, fyn gekap
15 ml (1 e) knoffel fyn gekap
15 ml (1 e) roosmaryn gedroog
15 ml (1 e) tiemie gedroog
300 g tamaties, blansjeer en grof op gekap
500 ml (2 k) bees aftreksel
3-4 e swart peper grof gemaal (krities vir daardie unieke peppers steak pie smaak, fyn peper nee!)
6 e soppoeier maak jou eie
Vul sout en peper aan na smaak

Braai al die vleis stukkies eers bruin maar nie gaar in bietjie olie en ʼn baie warm pan. Voeg klein hoeveelhede vleis op ʼn keer by.

Braai die uie in die vleis se pan. Voeg dan die kruie, koffel, tamaties en beesaftreksel by. Kook dan die vleis of in ʼn drukkoker tot murg sag vir 60 min of alternatiewelik kook op die stoof plaat vir ongeveer 3 ure by matige temperatuur. OF slowcooker 6 ure op high.

Sodra die vleis sag is maak die soppoeier met ʼn halwe koppie room of melk aan asook dan die peper. Voeg by die vleis en kook die vleis tot verdik.

Krap die vleis oop in vlekvrye staal bak om goed af te koel om die pasteie te maak indien jy klein hand pasteie maak. Vir groot familie pasteie stel ek voor om dan dadelik dit in die bak te giet wat jy met deeg voor berei het en bak dit. Maar pasteie se geheim is altyd…koud by koud dan bak alles mooi bros.

Nota: moet nooit massa maat vleis, rys ens in plastiek afkoel nie of porsioneer in plastiek. Hierdie geregte sal op hul eie begin kook sonder hitte! Groot nee in die massa maat industrie. Wees dus gewaarsku. Onthou ook hierdie resep bevat ʼn suur in die vorm van die tamatie so jy mag ook nie in alluminium kastrolle kook dit sal smaak impak en dan ook selfde probleem soos plastiek gee.

Mag hierdie resep die basis lê vir vele ander pastei resepte. Die sous is heerlik en kan ook vir Wildspasteie gebruik word, voeg net naeltjies by of vir Steak ʼn kidney pies. Vinnig net oor die sousie. Indien jy nie my sop poeier resep kan maak of tyd het sal ʼn goeie Oxtail soup pakkie nie skade doen. Op hierdie hoeveelheid vleis sal 1 pakkie genoeg wees.

Bron: www.annelienpienaar.co.za deur Annelien Pienaar 2023
Hoeveelheid: 6 groot hand pasteie.