Annelien Pienaar Voedselkonsultant
Word ’n lid

Stabilisering van room en karamel sodat dit nie kan smelt

by | Nov 24, 2020 | Artikels, BKT Members, Hulpbronne, Koeke, Koekies, Koue Nageregte, Lesse en Raad, Lidmaatskappe, Versiersel | 4 comments

Hierdie navraag kry ek male sonder tal oor hoe om room en karamel te stabiliseer sodat dit nie by kamertemperatuur vorm verloor en smelt. Selfs vir spuitwerk. Hier is ‘n paar leser navrae wat ek beantwoord.
Navraag: Hi Annelien,
Dankie vir al jou raad op FB!
Ek wil tertdoppies vul met karamel treat vir tuisnywerheid, maar na n ruk is die vulsel loperig in doppie en spuitpatroon kan glad nie gesien word, is daar iets waarmee ek die treat moet meng?

Annelien: “Ek stabiliseer altyd my karamel. Onthou baie mooi dat suiker higroskopies is, dit beteken dat suiker alle moontlike vog wat in die lug is na homself aantrek om op te los. Dus al is dit in ‘n dik massa sal dit verseker loperig raak en souserig word. Ek is baie lief vir die gebruik van gelatien as ‘n natuurlike stabiliseerder. Dus vir room dieselfde stabilisering met verskillende dosserings.

Vir Karamel stabilisering:
1 blik gekookte kondensmelk / caramel treat kamertemperatuur
50 ml kookwater

1 t gelatien opgelos in kookwater en dan by caramel treat geroer en laat effe afkoel voor jy spuit.

Vir room stabilisering
400 ml, koue room
50 ml kookwater

1 t gelatien opgelos in kookwater meng dan by 100 ml warm room wat net tot onder kookpunt verhit is.

Klits die koue room tot amper styf en voeg dan die room-gelatien mengsel by in ‘n dun straaltjie by terwyl dit warm is. Bly klits tot konsistensie van keuse. Spuit dadelik.

Bron: www.annelienpienaar.co.za deur Annelien Pienaar, 2018

4 Comments

  1. Noelle Moore-Nel
    Noelle Moore-Nel on 14 Desember 2020 at 11:19

    Goeie More @Annelien. Sou die stabilisering van die karamel ook werk met selfde hoeveelheid gelatien soos bo as mens Whisky by die karamel wil voeg? Gewonder of dit `n impak op die gelatien se werking sal he?

  2. Annelien
    Annelien on 15 Desember 2020 at 13:13

    Noelle, brandewyn bevat nie baie suur nie en dus sal dit nie die gelatien onstabiel maak nie, dit sal dus nie pla as jy ‘n skeutjie byvoeg. Dit karamel sal stabiel bly. Groete Annelien

Submit a Comment