‘n Heerlike en baie eenvoudige voorgereg om te brei en na die tyd…gaste wat sal smeek vir die resep! Ek gebruik klein jong. gaar beetjies en spoel dan in suurlemoen water af sodat dit langer in die yskas kan hou. As jy dit nie doen sal die beet gou afgaan. Die gereg bestaan verder uit roomkaas wat gemeng word met fyn gekapte cranberries en dan in ‘n rolletjie gerol en gestol. Die sousie is waar die kruks van die saak draai…’n balsamiese asyn reduksie gegeur met Whisky en ‘n sprinkeltjie Dukkah daarby. Kom ons begin.
Roomkaas skyfies
600 g room kaas
½ k rooibosbessies (cranberry) geweek in 1 k kook water vir 1 uur
5 e fyn gekapte pimper neuter (pistasio) of enige ander neut
Meng alles saam en skep in kleef plastiek en rol op in stywe wors of gebruik waspapier en vorm die wors met ‘n deursnit van 5 cm. Verkoel vir 2 ure. Rol dit daarna in kruie van keuse en sny in 2 cm skywe en plaas in die middel van ‘n bord.
Balsamiese asyn reduksie met Brandewyn
750 ml Balsamiese asyn
½ k Treacle suiker of muscavado
½ k heuning
3 e geskroeide koljander saad
¼ t sout
Knippie swart peper
Plaas al die bestanddel behalwe Whisky/Brandewyn in ‘n kastrol. Neem ‘n sostatie stokkie en druk regop in die mengsel…meet hoe diep die vloeistof is…kook die mengsel totdat dit halfpad weg gekook het deur na die stokkie se vlak te kyk. Oppas om te lank te kook want die mengsel kan ‘n stroop word. As dit gebeur as die mengsel af koel en dit is te dik…voeg bietjie balsamiese asyn by om weer loperig te kry soos heuning.
Roer dan 4 e Whisky/Brandewyn by of na smaak…bottel en bere lugdig vir 12 maande. Hierdie lewer ongeveer 350 ml asyn.
Hierdie asyn is ‘n ongelooflike geskenk aan ‘n gasheer en gasvrou.
Plaas skywe beet op die maaskaas wiele. Sprinkel met dukkah en rond af met 1 e balsamiese asyn.
Hoeveelheid: 12 porsies
Bron: Annelien Pienaar, Kersfees 2018
Dankie dankie! Waarmee kan ek whisky vervang as daar daar dalk iemand is wat nie drank mag gebruik nie.? Ek is Feb verantwoordelik vir ons kerk ete se voorgereg. Gaan die beslis probeer. Ek hardloop uit idees!
Mooi dag!
Jy kan oorweeg om ‘n essence te gebruik met ‘n waterbasis sonder alkohol…verder kan jy die balsamiese asyn ook infuse met bessie geure soos bloubessies of frambose. BKT groete Annelien
Raai wat maak ek hierdie week! Ek was gelukkig om joune self te proe-my mond water alweer soos ek hier tik
Kom spog hoor…en geniet….dalk kan jy dit vir jy weet wat se kompetisie voorsit…Kom spog hoor. xxAnnelien
Annelien ek gebruik hierdie vir n spogmaaltyd vir honderde mense-Dis waarlik n wenner Dankie!!!
Hallo Lizelle, geniet een kom spog gerus met jou mooi tooisel. My persoonlike bederf aan myself gereeld. Groete Annelien
Oeeeee dit lyk na ‘n bobaas spog resep. Ek gaan dit beslis maak. Beet is een van my gunsteling slaaie. Dankie vir die wenk oor die suurlemoen. My gaar beet het al gemuf in die yskas. Annelien ek neem aan die koljander bly heel. Dis net om die asyn te infuse?
Jy kan die koljander fyn maal of heel en as jy nie van die sade hou net infuse en uit haal. Groete Annelien