Geniet die ryk, syagtige goedheid van hierdie Kondensmelk Vla in ‘n japtrap – ‘n vinnige en maklike bederf wat heerlik is op sy eie of as ‘n bolaag vir jou gunsteling nageregte. Met net ‘n paar bestanddele het jy binne minute ‘n fluweelagtige, romerige vla gereed!
2 Top Wenke vir Die Beste Kondensmelk Vla in ‘n japtrap
- Vir ‘n ekstra romerige tekstuur, vervang die water met melk of roer ‘n klein bietjie botter aan die einde by!
- Om ‘n velletjie te voorkom, plaas dadelik n stukkie kleef plastiek op die warm vla.
Bestanddele vir Die Beste Kondensmelk Vla in ‘n japtrap!
- 2 eetlepels water
- 2 ½ eetlepels vla poeier
- ½ koppie melk
- ½ koppie water
- ⅓ koppie kondensmelk of witsuiker
- 2 eetlepels vanielje-ekstrak
Instruksies vir Die Beste Kondensmelk Vla in ‘n japtrap!
- Meng die vla poeier met 2 eetlepels water in ‘n klein bakkie om ‘n gladde pasta te vorm.
- Verhit melk, ½ koppie water en kondensmelk in ‘n kastrol oor medium hitte, roer stadig tot dit warm is, maar nie kook nie.
- Voeg die vla mengsel geleidelik by en roer voortdurend om klonte te voorkom.
- Kook totdat die vla verdik en ‘n gladde, glansende tekstuur kry.
- Verwyder van die hitte en roer die vanielje-ekstrak in vir ‘n heerlike geur.
- Bedien warm of verkoel – geniet dit op sy eie of oor koeke, poedings of vars vrugte!Bron: www.annelienpienaar.co.za deur Annelien Pienaar 2025
Hoeveelheid: 350 ml: Hierdie resep kan met gemak vermeerder word tot en met x10