Soms het mens net lus vir heerlike eenskottel geregte wat min moeite is maar tog die gaste se voete onder hul uit slaan. Vir variasie kan gerookte spek stukkies as bros lagie oor gesprinkel word of heerlike stukkies ham.

1 kg baba aartappels gaar en sag gekook met skil in sout water.

Druk die gaar aartappels met die agterkant van ;n glas sodat dit plat raak. Pak die aartappels in ‘n oond skottel. Sprinkel met gegeurde sout en giet ‘n halwe koppie olie van keuse oor. Bak vir 30 minute by 180C.

12 ontbeende hoender dytjies
5 stele preie in ringetjies gesny
250 g bruin of wit knopie sampioene in kwarte gesny
1 e goeie kwaliteit masala
1 t borrie of 5 saffraan drade
500 ml hoender- of groente aftreksel
2 t groen peper korrels (opsioneel)
2 t dill gedroog of 4 t vars dill puntjies
2 k ertjies
1 t knoffel
500 ml room
1 e mielieblom
1 k cheddar kaas
Sout en peper na smaak

Voor verhit oond na 180 C.

Braai die preie, sampioene, masala en borrie saam vir 5 minute met ‘n klein bietjie olie, in ‘n diep kastrol met dig passende deksel.

Plaas die honder stukke in die kastrol met gebraaide preie en voeg die aftreksel by. Plaas die kasserol bak in die oond en bak die gereg vir ongeveer 25 minute totdat die hoender gaar en sag is met die deksel op.

Verwyder die deksel en bak dan vir 15 minute oop sodat die vog kan verdamp.

Sodra die aartappels gereed is na 35 minute skep die aartappels by die hoender stukke in. Meng die res van die bestanddele saam en giet oor die hoender en sprinkel die gerasperde kaas oor. Bak oop vir nog 20 minute by 170 C.

Bron: www.annelienpienaar.co.za deur Annelien Pienaar 2024
Hoeveelheid: 4-6 porsies