‘n Vinnige en makliker versiersel en vulsels resep sal jy nie kry. Die basis resep gee vele variasies vir ‘n verskeidenheid aanwendings. Hierdie resep spuit perfek vir 3D versierwerk en as vulsel ook heerlik.
Wenk vir hitte stabiele Kondensmelk versiersel:
- voeg 3 e meringue poeier (in SA as Acti white bekend) by die mengsel. Sif liggies oor en klits baie goed deur.
Resep
1 x 385 g blikkie kondensmelk
250 g 80% vetinhoud bakkersmargarien, kamertemperatuur en sag maar nie warm
200 g bakkers sjokolade enige kleur, gesmelt
5 ml geursel van keuse
-
Metode
Smelt die sjokolade soos volg: plaas in deursigtige mikrogof vaste bak en by 100% krag en 15 sekondes verhit, roer en herhaal vir 6 keer. Roer met ‘n vurk sodat jy kan sien die sjokolade stukkies is gesmelt. Hou die sjokolade eenkant. Onthou net dat jy nie met enige vog naby die sjokoalde moet kom as jy werk, moet ook nie die sjokolade kook nie, dit sal skif. As jou mikrogolf die sjokolade vinniger smelt, is 6 x se 15 sek nie nodig. Kyk fyn hier.
- Klits die margarien totdat dit lig en romerig is. Dit sal so 8 minute neem en neem jou tyd want hierdie is die amper belangrikste stap van die hele resep. Maak seker die botter of margarien is sag, maar koud, nie sag en warm nie. Daar is ‘n verskil. Hoe gaan jy weet? As die smeer nie kleur verander na lig en meer donsig word, dan weet jy, sit terug in vrieskas of yskas om te verkoel vir 5 min, roer deur en verkoel weer 5 min…klits dan.
- Giet die kondensmelk by die margarien en klits weer vir so 5 minute totdat die mengsel mooi verdik en glansend is. Voeg dan die gesmelte sjokolde by en klits goed deur tot weer dik en glansend.
- Die mengsel is gereed om te gebruik.
-
Wenke:
1. Karamel geur: Vir ekstra lekker vir ‘n karamel vulsel: voeg ‘n halwe blikkie karamel by die resep…bv as jy dan ‘n karamel sjokolade sal gebruik sal dit ‘n heerlike salted caramel vulsel lewer, sprinkel ‘n hand vol neute tussen die lae en voila…heerlike koek.
2. Sjokolade geur: voeg 1/2 k kakao by die mengsel om donkerder te kry en swart of bruin kleursel kan ook bygevoeg word. Klits laaste by. Onthou sif die kakao goed vooraf.
3. Lemon cheesecake: Berei die basis resep en voeg by die mengsel en 1 t sitrus skil en 2 e suurlemoensap. Klits alles saam tot lig en donsig. Jy sal die smake kry van ‘n Lemon cheese cake sonder die roomkaas.
4. Hierdie vulsel kan vir 3 maande in die yskas gestoor word, Laat by kamer temp en klits net weer om sag en glad te kry.
Bron: www.annelienpienaar.co.za deur Annelien Pienaar, 2019
Hoeveelheid: genoeg vir 12 kolwyntjies of dubbellaag koek
Kan mens botter ook gebruik of gee maragrien `n beter resultaat?
Hallo Noelle, beide sal reg wees. Onthou om net 80% vetpersentasie margariene te gebruik. Groete Annelien
Baie dankie Annelien. Botter sal dit wees 🙂
Annelien, vir die Lemon Cheese cake, moet ek laaste die roomkaas, sitrusskil en sap byvoeg? Seker net deurmeng en nie te veel klits dan? Sal ek die versiersel by Wortelkoek kan gebruik of gaan dit te soet wees? Baie dankie
Annelien is dit nodig om die kondensmelk versiersel te stabiliseer as ek dit vir n troukoek gaan gebruik. Dit gaan in en om die koek gebruik work. Dankie vir jou hulp.
Meyerine, dit sal nie nodig wees. Groete Annelien
Rynette voeg laaste by asb. Groete Annelien
Hallo Annelien, as ek die karamel weergawe maak, vervang die halwe blikkie karamel n halwe blikkie kondensmalk of word die karamel ekstra bygeklits?
Liza, dit kom ekstra by. Groete Annelien
My mengsel was pragtig tot roomkaas, suurlemoensap en -skil bygekom het; dit het toe geskif. Is daar raad of oorbegin? En as ek moet oordoen, is daar iets wat ek met die geskifte bak versiersel kan doen asb?
Marlene, groot verskoning oor hierdie laat terugvoering. Jy kan die geskifde mengsel net eers effens verkoel en dan weer goed tot glad deur klits. Soms is die verskillende temperature die goed wat pla. Maak seker jou roomkaas is by kamertemp en ook vooraf verroom. Anders as dit nie wil glad, dit is ‘n heerlike vulsel. Wat oorbly vries jy. Groete Annelien
Annelien wk wil more die 1ste keer die kondensmelk versiersel maak – met die sjokolade afgekoel wees?
Jeannie, jy kan net smelt, want mens kook mos nie sjokolade. AS dit gesmelt is word dit dadelik bygevoeg.
Groete
Annelien
Hello Annelien.
Ek het nou 2 keer presies gemaak soos jy sê maar as ek my afgekoelde wit sjokolade by botter en kondensmelk mengsel gooi dan maak die sjokolade klontjies wat ek nie uit geklits kry nie. Het jy enige raad. Asb
Janette, gebruik jy bakkers sjokolade of die eet tipe by die lekkergoed afdeling. Jy moet eersgenoemde gebruik. En dan ook oppas om die sjokolade nie te warm te maak. Groete Annelien