Daar is niks so wonderlik om tyd saam met jou gesin te spandeer rondom die kostafel. My gesin sien hamburger aande as fees maaltye want daar word ‘n wye verskeidenheid souse, vulsels en geure patties berei.
1 kg maalvleis
1/2 ui fyn gekap
1 knoffeltoontjie, fyn gedruk
2 eiers
1/2 k gedroogde broodkrummels
1 e gegeurde sout (woestersous sout of groente sout in die Boerekos met ‘n Twist kookboek)
4 e woestersous
2 e blatjang
Meng alles saam en druk dan in vormpies. My gesin hou van ‘n 150 g pattie.
Vries wonderlik.
Bron: www.annelienpienaar.co.za, deur Annelien Pienaar, 2020
Hoeveelheid: 6-8 indien 100-150g patties gemaak word.
Môre, waarmee kan ek die broodkrummels vervang? Ek gebruik glad nie stysel nie. Het jou bobotie resep uit die boek gemaak en het n klein porsie met psyllum husks verdik, maar dit het slymerig geword. Dankie, Tess
Jy kan iets soos chickpeas of geblikte bone 1 k fyn maak en in meng om te bind. Groete Annelien
Baie dankie
dagse. Kan ek die broodkrummels met hawermout vervang? Hawermout se GI is mos laer as brood sn. N knoffeltoontjie. Is dit een so n stukkie van n knoffel wat mens in die winkel koop? Dus ek haal die ‘skil’ af en dan is daar klomp knoffel stukkies. Is een so ene n toontjie?
1. Broodkrummels kan met hawermout vervang word. Nee nie noodwendig nie. GI het baie te doen met die proses waardeur stysel gaan waar amilase geaktiveer was.
2. Knoffeltoontjie is een kleine stukkie vanaf die hele bol gehaal.
Groete Annelien