Soms is mens lus vir ietsie met byt, maar ook geurig en dekadent. Hierdie rissie konfyt is die perfekte pasmaat vir soppe, souse, doopsous, blatjang vervangers en vele meer.
300 g rissies, halveer in lengte, verwyder sade, grof gekap
300 g rooi soet rissie (peper), sade verwyder, grof gekap
1 kg witsuiker
500 mℓ witwyn asyn
500 mℓ appel asyn
60 g (½ k) mielieblom aangemaak met ½ k asyn uit bestanddele lys
1 t sout
1 e fenegriek
Steriliseer bottels deur te was en dan in die oond te hou teen 120 ℃ vir 10 minute en dan temperatuur af te bring na 90 ℃. Hou so tot dit tyd word om Rissie konfyt in te skep.
Plaas rissies en soet rissie in voedselverwerker en kap fyn so groot soos gedroogde rissie vlokkies.
Verhit asyne en suiker saam en roer oor medium hitte totdat die suiker gesmelt het. Kook die mengsel vir 5 min sodra suiker opgelos is. Voeg die rissies by en kook vir 15 minute.
Voeg die mielieblom, sout en fenegriek by en kook tot verdik vir ongeveer 5-8 minute, oppas vir aanbrand. Haal van hitte af en laat afkoel vir 10 minute.
Bottel daarna dadelik en seel dig.
Bron: Annelien Pienaar, 2017, Indiese Speserye klas.
Hoeveelheid: 4 x 375ml botteltjies
Leave A Comment