Bees, lam, skaap en enige wildsvleis snit werk heerlik met hierdie basiese resep. Die geure is subtiel en die vleissous aan die einde ongeëwenaar. Kom ons begin.
2-5 kg heel stuk vleis
1 knoffelhuisie
5 roosmaryn takkies
5 e olyf olie
Steek die vleis klein gaatjies in en druk in die gaatjies onderskeidelik knoffel en roosmaryn takkies in. Maak seker jy stop die vleis eweredig. Voorverhit ‘n gietyster pan tot rook warm…smeer vleis met olyfolie en braai bruin aan alle kante, 2 minute per kant. Hierdie tegniek seel die vleissappe in.
Sout mengsel
2 e bruinsuiker
2 e medium growwe sout
¼ k olyfolie
2 e woestersous of soya sous
1 e growwe swart peper
Meng die bestanddele saam en vryf in die heel vleisstuk in. Plaas in kasserol bak en maak gaar op 160 ℃ vir 2 ure. Draai die vleis en voeg groente by indien verkies. Bak nog ’n verdere 2 ure.
Dreineer pan sous en laat die vleisstuk eers rus voordat dit gesny word.
Maak dan ’n heerlike Bruinsous met die resep in my Boerekos met ‘’n Twist kookboek p.78. Hierdie sous sal jy keer op keer bly maak. Bisto het kompetisie gekry.
Bedien met:
1. Aartappel en Groenbone gereg op www.annelienpienaar.co.za onder Sout groente.
2. Pekan en Pampoen soufflé op p.42 van Boerekos met ’n Twist kookboek.
Bron: Annelien Pienaar, Ouma-kos, 2017
Hoeveelheid: 6-8 porsies
Leave A Comment