Ek het maar nou vir eens ‘n soet tand en as mens jouself op die pad van ‘n nuwe leefstyl plaas kom die versoeking vir ‘n soet happie gereeld in. Donker sjokolade is veilig vir ‘n Keto en Low darb dieet en sus so effe die versoeking om weer na koolhidrate te gryp. Onthou altyd dat wanneer jy cravings begin kry, dit ‘n teken van twee goed is: jy is dors en moet genoeg vloeistof neem om nie te dehidreer en die tweede is jou bloedsuiker vlakke is besig om te val. Spasieer jou etes dus versigtig. Hierdie happie se energie waarde is hoog en kan ‘n maaltyd vervang en sal vullend wees en genoeg energie kan gee om jou te hou tot die volgende ete.
150 g (1 ½ k) pekans
50 g sesam sade
30 g flax sade
2 e psyllium husks
50 g klapper
2 e kakao
50 g 80 % donker sjokolade (opsioneel)
6 e klapper olie
5 e sesame paste (maak eie puree van sesam sade met blender stokkie)
1 t vanielje geursel
1 t kaneel
1 tot 5 druppels stevia
Knippie sout
2 ekstra groot eiers
Voor verhit oond na 180 C en smeer ʼn A 4 grootte glas bak met klapper olie of kleef werende sproei.
Meng al die bestanddele saam en druk in die bak. Sny vooraf in blokke.
Bak vir 20 minute tot bros en sodra dit uit die oond kom, sny vinnig op die eerste snitte. Laat goed afkoel.
Stoor lugdig en nie nodig vir yskas storing.
Bron: www.annelienpienaar.co.za Keto/Low carb kook klasse 2020
Hoeveelheid: 24 blokkies waarvan 1 blokkie se energie waarde: 790 kJ of 189 Kcal uit werk.
Annelien nou klink ek dom maar nog nooit gehoor van psyllium husks . Wat is dit? Waar kry mens dit?
En wat is stevia??
Hallo Danie enn Elize, dit is ‘n natuurlike versoeter wat nie koolhidrate bevat. ‘n Non nutritive sweetener wat van ;n plantaardige natuur is en nie kunsmatig is. Nog steeds moet dit in matigheid gebruik word. Groete Annelien
Dit is die buitenste deel van die Psyllium korrel en word fyn gemaal en dan gebruik om produkte te verdik en ook as ‘n lakseermiddel. Sommige natuurlike medikasie bevat psyllium as bestanddeel. Daarom moet dit in moderasie geneem word. Al die produkte waarna ek verwys is by Dischem winkels by die gesondheidsafdelings beskikbaar Vra net daarna. Groete Annelien
Die Resep vir die Low carb broodjie met pecans, is dit op die Bkt groep resepte?
Annelien smeer ek wier wit oor broodrolletjies om Sade bo op te laat klou?
Baie dankie
Hallo Rita, ongelukkig is die boek reeds ‘n paar jaar gelede geskryf en dus het tyd verloop en ek het weer honderde nuwe resepte ontwikkel. Dus is hierdie broodjie ongelukkig nie deel van die boek. Jy sal ‘n subskripsie vir dit moet bekom. Onthou al my resepte ontwikkel ek self en kan dus vir jou dadelik help sou jy sukkel. Dit kos geld en baie tyd om by die punt van die perfekte resep uit te kom. Sluit gerus aan en ondersteun ‘n kos skrywer. Ja, ek verkies eierwit met ‘n eetlepel melk gemeng om as gom te dien om die saadjies te laat klou. Lekker bak en mag dit ‘n mooi week wees.
Groete Annelien
Hallo Annelien…verbeel ek my of sien ek hawermout (Oats) in hierdie stafie? Indien wel, lees ek dit glad nie raak in die resep nie.