Soet-suur is my groot gunsteling as dit kom by die bereiding van varkvleis en hierdie gereg is regtig vinger lek-lekker!

1 kg van die been gesny of boud vark tjops, blokkies vleis (skaap, bees, hoender en wild werk ook heerlik met hierdie resep). Vir wild maak ‘n nota en week oornag in karringmelk, vee af, sny blokkies en begin by stap 1. Jou gaste sal nie eers weet hulle eet wild.)
250 g gerookte kassler tjops, in blokkies gesny
4 e olyf olie
2 groot uie, fyn gekap
2 seldery stingels, dun ringetjies
1 k songedroogde tamaties (opsioneel)
1 aftreksel blokkie
500 ml water

Voor verhit ‘n giet yster kastrol wat met ‘n dig passende deksel kom. Roerbraai die uie en seldery met ‘n knippie sout tot sag en glansend.

Voeg die vleis by in klein hoeveelhede en braai liggies, maar nie gaar. So seel ons die sappe van die vleis in en dra by tot smaaklikheid.

Wenk: werk ook goed in ‘n slow cooker (deur bg te doen en dan vir 4 ure op high gaar te maak en dan sous by en nog 1 uur op high. Vir die stoompot kan jy basies stappe bo doen en dan laaste as gaar net die sous by en vir 20 min deur kook.

Voeg die res van die bestanddele by en kook tot sag. Teen die einde moet die vog ook redelik weg gekook wees.

Sous
½ k gedroogde sampioen poeier (verdikker)
½ k room / suur room / klapper room of klapper melk
2 t gerookte paprika
½ k heuning
2 e mosterd poeier of ¼ Dijon mosterd
2 t fyn knoffel
Potjie groente van keuse
Sout en peper na smaak

Meng al die bestanddele saam en giet oor vleis en meng goed deur. Kook oor matige hitte vir 25 minute.

Smaaklike ete!

Skakels na geskikte rys geregte:
https://annelienpienaar.co.za/2016/07/27/gebraaide-rys-fried-rice/

https://annelienpienaar.co.za/2018/09/28/rys-varieteite-gebruike-gaarmaak-tegnieke-berging/

Bron: Annelien Pienaar, www.annelienpienaar.co.za, 2020-04-03
Hoeveelheid: 6 porsies