Photo by: Annelien Pienaar Food Consultant (www.annelienpienaar.co.za)

Hierdie Asyn is meer soos ‘n gefermenteerde stroop geskik vir slaaisouse, marinades, roomys en ook ‘n verkwikkende drankie saam met sodawater bedien en gekapte ys en mentblare. Enige ander bessie soort soos aarbeie, moerbeie, bloubessies en vele meer kan gebruik word…selfs al appelliefies gebruik en dit was heerlik!

500 g frambose, fyn gedruk
1 liter wit wyn of druiwe asyn
400 g witsuiker

Plaas die frambose in ‘n glasbottel groot genoeg om 2 liter inhoud te hou. Giet die asyn oor en laat vir 7 dae staan by kamertemperatuur in donker plek.

Hier kom die kruks van die saak. Die helderheid van die sap word bepaal deur die dreinerings tegniek wat gebruik word. So, lees noukeurig en moenie afwyk van die proses.

Voer ‘n vergittes (kolander) uit met ‘n dubbel laag kaasdoek. Indien jy nie kaasdoek het sal enige gaserige materiaal werk. Selfs ‘n baie ou en dun kussingsloop of laken. Hang die uitgevoerde vergittes oor ‘n vlekvrye staal kastrol of ‘n glasbak. Laat die inhoud oornag deur drup.

MOENIE die lap uit draai om ekstra vog uit te kry…dit is hier waar die wolkerigheid gaan inkom…gooi weg!

Verhit die framboos asyn en voeg die suiker by, roer tot opgelos en kook dan vir 25 minute op vinnige hitte om in te damp. Bottel warm in gesteriliseerde glas flesse. Raklewe 12 maande.

Hoeveelheid: 750 ml
Bron: Annelien Pienaar