BKT Klets-kombuis week 12

BKT Klets-kombuis week 12

Liewe Twister.

Weereens ‘n warrelwind week met die vakansiedag so tussen in. Die kinders het gejubel oor een af daggie…niks skool, jaag of rubgy…net rus. ‘n Ma se werk stop ook nooit en soos ‘n wors kry hul mos nooit die ent van hul eie honger. Ek het gekook om voor te bly met veral rooikop Filistyn wat elke 5 minute honger is. Ek het hom vandag voor skool so gekyk en met ‘n skok besef die lyf is nou al langer en frisser as sy ouboet. Toe ek dit noem ontketen ek mos ‘n groot gestoei…en daar trek mos ouboet se prefek balkie en kleinboet se boonste knoop. Wel, ek het hul sommer so met die nat vadoek elk ‘n raps gegee om koers te kry kar toe. Sussie was traag om afskeid te neem en skoon tranerig toe hul ry. Ja, om weg van die huis te werk is nie lekker nie. Die pad is baie ver en alleen, maar dit help ook om die kop en die spinnerakke uit te vee.

Daar is vir julle ‘n vinnige glutenvrye pasta resep wat jy of met koring pasta kan maak of met rysnoedels…dus een resep met vele aanwendings. Loer gerus na die onderste skakels vir die resepte. Nagereg het ook lewe gekry en so soet, jou tone krul van lekkerkry!

BKT groete Annelien

Kondensmelk en Vla lagie tert 

Songedroogde Tamatiepasta met Glutenvrye opsie

 

2018-03-23T19:55:18+00:002 Comments

2 Comments

  1. leanasmith92 March 24, 2018 at 4:42 pm - Reply

    Annelien, dankie vir die heerlike resepte! Jou harde werk word waardeer🐝

    • Annelien March 24, 2018 at 7:59 pm - Reply

      Leana, dit is heerlik om vir ster Twisters soos jy te werk! Tonne blessings vir jou…Annelien Pienaar

Leave A Comment

This site uses Akismet to reduce spam. Learn how your comment data is processed.