BKT Klets-kombuis week 9

BKT Klets-kombuis week 9

Hallo liewe Twister.

Dit was ‘n bedrywige week tussen my en my man se verjaardae en nog werkery tussen deur. Ons het as gesin, intiem my man se 50ste verjaardag gevier en dit was sprokies mooi en iets wat ons vir baie jare nog sal onthou. Vir hierdie groot verjaardag wat ook op Melktertdag val het ek lankal met die idée gespeel vir ‘n unieke melktert. Wel, groot kanse in die kombuis gewaag met duur bestanddele en wel…toe word Die Camembert van Melkterte gebore. Nee, daar is geen kaas in hierdie melktert nie, maar die buite kant van die melktert is ferm soos ‘n Camembert, die binne kant sag en romerig, afgerond met ‘n korsie wat self verskyn as die tert gebak word. Verseker die eerste resep in jare wat nie paar keer oor en oor gebak word om perfeksie te kry. Sommer so met die eerste probeerslag en logika…sukses. Soms moet mens maar waag.

Daar is ook ‘n heerlike Paprika en Dill kaaskoekie resep en ons het dit vanaand saam met Ouma Hantie se knoffelroom sous in die BKT kookboek geniet. Sommer so op die groot stoep van ons ou plaashuis gesit en kuier met die kinders wat bal skop en die honde wat agter sussie aan hol.

Mag jou naweek gevul wees met lekker rus en alles wat mooi is.

BKT Klets-kombuis groete

Annelien

2018-03-02T17:34:45+00:00 4 Comments

4 Comments

  1. Veronica March 3, 2018 at 4:03 pm - Reply

    Baie Dankie. Lyk ‘appetyzing’ soos die Engelsman sê😘

    • Annelien March 3, 2018 at 5:45 pm - Reply

      Geniet!

  2. Renie Grey March 5, 2018 at 10:13 am - Reply

    Annelien ek is maar bietjie dom!
    Ek het aangesluit met die 6 maande opsie. Wat kry ek daarvoor? Is alles op die Facebook blad?
    Moet ek dalk verder inteken op iets?

    • Annelien March 5, 2018 at 10:55 am - Reply

      Hallo Renie, vir die 6 maande subskripsie kry jy toegang tot die BKT resepte afdeling. Hierdie afdeling se resepte is NET vir intekenare beskikbaar. Dus is die subskripsie net tot die webtuiste van toepassing. Ek help jou gratis met raad op die webtuiste en ook op FB. Jy het dus nie weer nodig om vir enige iets verder in te teken nie. Hoop ek beantwoord jou vraag. Groete Annelien.

Leave A Comment