Veelsydige Bakkersmengsel

Veelsydige Bakkersmengsel

Bêre mengsels is een van die items hoog op my prioriteitslysie sodoende vinnig ‘n skons, plaatkoekie, pasteideeg en vele meer te maak. Self vervaardigde mengsels soos hierdie en ook ander te vinde in my Boerekos met ‘n Twist kookboek  , bevat geen preserveermiddels of enige kunsmatige middels wat tot nadeel van jou gesondheid kan wees. Die rak lewe van hierdie mengsel in die yskas is 3 maande. Vir die gluten vrye mense hier is ‘n meel mengsel wat jy self kan maak en dan gebruik vir hierdie mengsel: Glutenvrye meel: Maak jou eie!

Basiese Bakkers mengsel
1 kg koekmeel
10 ml sout
20 ml bakpoeier
375 g bakkers margarien of botter, koud grof gerasper

Plaas al die bestanddele in ‘n voedselverwerker en verwerk tot fyn soos broodkrummels.

Stoor in lugdigte houers in die yskas vir 3 maande. Gebruik soos nodig.

Kaas skons
1 ½ k Bakkersmengsel
2 t bakpoeier
70 g (½ k) koekmeel
125 ml (½ k) volroom melk
30 ml (2 e) wit of bruin suiker
1 medium eier, geklits
1 k cheddar kaas, gerasper

Voor vehit oond na 190 ℃ en smeer ‘n bakplaat.

Meng al die droë bestanddele saam asook die kaas. Maak ‘n holte in die meel en voeg die eier en melk by. Meng met twee tafel messe die bestanddele liggies deur die melk in die meel in te sny. Die deeg moenie oor werk word nie, indien daar nog wit meel dele sigbaar is, is dit nie ‘n probleem.

Keer deeg uit op meel bestrooide oppervlakte en druk plat tot ongeveer 3 cm hoog. Sny met koekie drukker vorms of maak een groot skon. Plaas op gesmeerde bakplaat en druk res van deeg indien oor is weer liggies aan mekaar en verwerk.

Bak by 190 ℃ vir 20-25 min.

Bedien lou warm.

Porsies: 6-12 skonsies afhangende van grootte wat jy sny. Een groot wiel kan ook mooi lyk asook deeg in kolwyntjie pannetjies gebak. Geniet en speel lekker. 

Broskors deeg
2 k Bakkers mengsel
1 groot eiergeel
4 e koue water

Plaas bestanddele in voedsel verwerker en draai lem totdat die mengsel ‘n bol word. Haal uit en druk plat. Plaas in sakkie en verkoel vir 20 minute voordat dit uitgerol word.

Gebruik deeg in alle pastei resepte soos voor geskryf.

Wenk: die deeg kan rou gevries word vir maksimum 4 maande.

Porsies: Genoeg vir 12 hand pasteie van palm grootte of een groot pastei vir ‘n pasteibak.

Plaatkoekies
2 k Bakkersmengsel
1 t bakpoeier
1 ml koeksoda
30 ml (2 e) witsuiker
200 ml melk
1 jumbo of groot eier

Klits die bestandele saam en laat die deeg vir 20 min rus om te verdik.

Bak lepels vol deeg op medium warm plaat in kleef vrye pan sonder enige olie.

Bedien warm.

Porsies: 12 piering grootte plaatkoekies.

2018-06-21T08:17:41+00:0011 Comments

11 Comments

  1. […] As bederf aan julle het ek die Pretoria FM praatjie se resepte hier gelaai: Veelsydige Bakkersmengsel  […]

  2. Lettie Hough February 10, 2018 at 4:22 am - Reply

    Gemaak. Min gerys. Kaasskons heerlik. Mooier gekom met 2 t bakpoeier. Geen alkaliese smaak. Ek het 2e maal ook bietjie semels bygevoeg

    • Annelien February 12, 2018 at 5:18 am - Reply

      Hallo Lettie, sommer baie bly jy het so lekker gebak en dat die smaak perfek was. Maak seker jy rol die deeg lekker hoog uit. Groete en kom spog op FB se BKT blad. Annelien

  3. Miemie Louw February 10, 2018 at 7:01 am - Reply

    Baie dankie liewe Annelien

    • Annelien February 12, 2018 at 5:17 am - Reply

      Lekker bak.

  4. Veronica February 10, 2018 at 4:49 pm - Reply

    Baie dankie. Jippeeee!!!😘

    • Annelien February 12, 2018 at 5:17 am - Reply

      Geniet, groete Annelien

  5. Rachel Pillay March 1, 2018 at 8:53 pm - Reply

    To access this post, you must be logged in and have an active membership. Log in here log in or purchase 6 Maande lidmaatskap or 12 Maande lidmaatskap.
    Hello Annelien. When you get a chance please look into this.
    I am not sure why i get this message and I purchased the 12 maande lidmaatskap. Please advise.

    • Annelien March 2, 2018 at 4:43 am - Reply

      Hallo Rachel. Please check your email for your confirmation password, it is an unique password and need to be used to get access to My Account section. Please email me on boerekostwist@gmail.com if you have missed the email. Please check your spam aswell. Kind regards Annelien

  6. Elizabeth Pienaar April 12, 2018 at 9:17 am - Reply

    Hallo,

    Hoe lank kan die bakkersmengsel in vrieskas gebêre word?

    • Annelien April 12, 2018 at 11:29 am - Reply

      Elizabeth ongeveer 3 maande

Leave A Comment

This site uses Akismet to reduce spam. Learn how your comment data is processed.