Sakpas vir die knapsak begroting en einde van die maand sindroom! Al gewonder hoe om oorskiet vleis en tamatie smoor in ‘n heerlike gereg te omskep? Hierdie resep sal verseker ‘n hele paar van jou huismense se smaak kliere aan die kwyl kry. Kom ons begin.

Vulsel 
½ k Son gedroogde Tamatie marmelade of Pasta sous in die BKT kookboek p.200 of Balsamiese olyfsmeer p.28
Opsioneel: 5 ml tarragon of origanum

Meng met mekaar en laat eenkant vir geure om te ontwikkel

Gebruik dan enige oorskiet vleis om in die holte te vul wat gemaak word. 1 koppie se vulsel sal meer as genoeg wees. My gesin is lief vir uit gebraaide spek stukkies, ham, salami, gammon, oorskiet pastei vleis, pynappel, sampioen, uie en vele meer met die vleis gemeng. Hier is dit dus net 1 k van wat jy ook al wil wat in die holte saam met die tamatie marmelade geskep word.

Muffin resep
280 g (2 k) koekmeel, gesif
2 ml sout
10 ml (2 t) bakpoeier
10 ml origanum
15 ml (1 e) gerookte paprika
5 ml swart peper grof gemaal
60 ml (4 e) olyf olie
250 ml karringmelk of gewone jogurt
5 ml knoffel fyn gedruk
12 swart olywe ontpit of 5 geweekte son gedroogde tamaties grof gekap
2 ekstra groot eier
2 k cheddar kaas, gerasper

Voorverhit oond tot 200 ℃ en berei ʼn kolwyntjie pan voor met pan smeer.

Sif koekmeel, sout, bakpoeier saam. Meng daarby die origanum, paprika, peper en 1 k kaas saam.

Meng die olyfolie, karringmelk en eier saam. Roer die olywe by.

Meng nat en droog met mekaar liggies met ʼn houtlepel. Moenie die beslag te veel roer.

Dreineer die tamatie mengsel goed en sit een kant. Skep kolwyntjie pannetjies driekwart vol en maak ʼn holte in die middel en skep van die gemarineerde tamaties in die holtes. Sprinkel met kaas en rond af met nog so ʼn sprinkel paprika.

Bak vir 20-25 minute tot gaar.

Bedien lou warm.

Wenk: Vrieskas vriendelik