Ek kan so goed onthou hoe my pa ons knieë en elmboë as kinders met hierdie mengsel van my ma ingevryf het. Soms het dit soos ʼn kool vuur gebrand, maar pa het geskrop! Na die tyd as ons gaan bad het, was ons velle sy sag. Tot vandag gebruik ek hierdie basis resep en bederf menige vriendin met so ʼn pakkie. Moet nooit sitrus gebruik in hierdie mengsel of enige ander vel middels, wat as rome gebruik word. Jou vel sal in die son baie sleg brand.

½ k wit suiker
½ k treacle suiker
10 druppels Jojoba essensiële olie (laventel, roosmaryn is ook goeie opsies want dit het antiseptiese werking as daar barsies op die vel mag wees.
½ k olyf olie

Meng hierdie bestanddele saam en skep in glas potjie wat lugdig sluit en stoor vir 6 maande.

Neem 1 e van hierdie mengsel en vryf en skuur die hande met dit. Los vir so 5 minute aan die hande en spoel met lou water af. Moenie met seep af was, droog hande dan af. Die hande sal nie taai voel, maar heerlik sag.

Hoeveelheid: 300 g

Handeroom
Hierdie room is heerlik lig op die vel en nie olierig. Die vel absorbeer die voedsame olies en droog nie uit. Die wonder van beide resepte is die feit dat dit sonder enige preserveermiddels gemaak word.

½ k klapper botter
¼ k shea botter (Dischem hou die rou een aan)
100 ml soet amandel olie (Sweet almond carrier oil, ook Dischem)
100 ml olyf olie
10 druppels van jou gunsteling essensiële olie (sandal wood, rose geranium, laventel, mirre, ylang-ylang

Indien die klapper botter hard is, kan dit vinnig in die mikrogolf gesmelt word. Meng al hierdie bestanddele saam en giet in ʼn lugdigte houer.

Wend aan soos benodig vir droë vel.

Bron: Annelien Pienaar, 2019, www.annelienpnaar.co.za
Hoeveelheid: 600 ml