Zahtar, Z’aatar is die Arabiese woord vir tiemie wat wil groei teen die heuwels van die oostelike dele van Meditereense streke. Dit is ook die woord wat gebruik word om na ‘n geurige spesery mengsel met gedroogde tiemie, fyn gemaalde sumac bessies, geroosterde sesam saad en sout te verwys. Dit word amper oor enige iets gebruik en disse wat ek persoonlik al geniet het met so ‘n sprinkel van hierdie spesery mengsel is: brood, feta, hoender, rooivleis, halloumi, frikkadelle, geroosterde groente, kaas, joghurt, slaai en vele meer, selfs springmielies!
60 ml gedroogde wilde tiemie (thyme) indien jy nie wild kan kry, gebruik normale tiemie
30 ml gemaalde sumac
45 ml geroosterde wit sesam saad
1 e medium growwe sout
Meng al hierdie bestanddele saam en seel in ‘n lugdigte houer in die yskas. Maak elke 3 maande ‘n nuwe mengsel aan. Die smaak gaan wel verlore.
Loer by ‘n kwekery vir wilde tiemie of ‘n variasie van tiemie. Droog self jou kruie en gebruik dan vir hierdie resep.
Vir ekstra lees oor Kruie en speserye klik hier: Kruie en speserye
Bron: Annelien Pienaar, 2019, www.annelienpienaar.co.za Kruie en speserye klas
Hoeveelheid: 100 g
Liewe Annelien,
Baie dankie vir jou harde en volgehoue werk om ons almal ingelig te hou!!
Kan jy groot asseblief op ‘n stadium die verskillende soorte soute aan ons verduidelik?
Ek het sopas Hawaiian Black salt en Red Alaea sea salt gekoop. Ek het ook rock salt, gevlokte seesout en Himalayan pienk sout, maar het geen idee wanneer om wat te gebruik nie.
Dankie byvoorbaat,
Karien
Hallo Karien,
Koop asb die nuutste Platteland Tydskrif…ek het ‘n indiepte artikel gedoen oor sout en al jou vrae. Ek mag nie die inligting versprei maar kan jou verwys na die gepubliseerde werk. BKT groete Annelien Pienaar