Staan jy ook gereeld soos ek voor die rak met sakke aartappels en wonder watter een om te koop? Want dit is nie asof jy deur net na die aartappel te kyk en te voel, dat dit vir jou gaan aandui of dit melerig is of wasagtig. Ek het navorsing gedoen oor algemene kultivars in Suid-Afrika en ‘n baie eenvoudige vergelyking vir julle opgetrek om makliker besluite te neem as jy aankope doen.

Aartappels Suid-Afrika is ‘n organisasie wat kyk na standaarde en nuwe tendense in die aartappel industrie. Hulle verkoop nie self aartappels nie, maar ek het deur hul wonderlike inligting gewerk en vir julle die volgende opgestel: daar is drie kategorie vir aartappels geidentifiseer en volgens hierdie kan aankope met gemak in die winkels gedoen word. Indien sakke nie duidelik gemerk, is kan jy die verskaffer se details op die verpakking opvolg en so navraag doen tov die kultivar van die aartappel.

Aartappels se voedingswaarde is legio en onder andere bevat dit proteine, vitamiene en minerale en in kombinasie van ander bestanddele kan dit ‘n volkome ete word. In my huis skil en omtrent nooit n aartappel behalwe as ek kappok aartappels maak. Maar ook in hierdie geval kook ek eers die aartappel in sy jassie gaar en trek dan die skilletjie af. Die rede waarom ek nie aartappels skil, is dood eenvoudig die feit dat meeste van die voedsaamheid teen die skil van die aartappel gelee is en daarom kan mens dit weg skil. Daarom het my familie leer gebakte aartappels en aartappelskyfies eet met die skil en al…

Kategorië
1. Wasagtige aartappels
• Kultivar: Mondial, Fabula and BP13
• Hierdie aartappels het ‘n baie lae stysel inhoud maar hoog in vog. Dus is dit geskik vir die kook van aartappels vir skyfies, aartappelslaai en aartappel koekies / hashbrowns / rosti’s en verloor dus nie sy vorm tydens kook. Die soort aartappels word meer vir die massa industrie vir voedsel verwerking produseer soos kits kos ens. As jy die regte soort “Slap tjips” wil maak is hierdie die aartappel om te kies.

2. Wasagtige en Melerige aartappels
• Kultivar: BP1, VDP, Fianna, Valor, Sifra of beter bekend as Bianca
• Hierdie aartappel is ‘n kombinasie van goeie stysel en vog inhoud en is uiters veeldoelig en ook meeste van die tyd op winkel rakke beskikbaar. Geskik dus vir enige soort resep behoeftes.

3. Melerige aartappels
• Kultivar: Caren, Darius and Avalanche
• Hierdie aartappel bevat meer stysel as vog en is perfek vir die maak van kapok aartappels, bros gebakte aartappels met ‘n sagte binne kant.

Skakel na aartappel resepte te kies en te keur!

 

Bron: Annelien Pienaar, 2019, www.annelienpienaar.co.za