Hallo Twister,

Baie dankie dat jy getrou saam kuier hier op die webtuiste en ook op Faceboek saam met die Boerekos met ‘n Twist kook groep. Mens kom met ‘n groot skok agter die weke tot die einde van die jaar is so min…ek sien al die nuwe jaar wink!

Hierdie week het ek die laaste van ‘n reeks klasse gelaai vir 2018 en klik gerus op die volgende skakel om te sien wat ons doen. Klasse

Die Geskenke uit jou Koskas is vir my seker die lekkerste voorbereiding van al my klasse om te doen…ek droom en werk in prentjies en kleure om te verseker my huismense en familie geniet elke geskenk wat gemaak word. Hierdie jaar gaan daar groot gegaan word met die geskenke vir groot en klein, man en muis…

Ek werk aan ‘n rits resepte soos op Face boek verduidelik. Ek het begin met die navorsing oor Smoothies en terug gegaan en begin navorsing doen oor die ontstaan en gebruike van Smoothies en wel…ek het begin by die begin: Natuurlik gegeurde water en al die helende eienskappe daarvan. As die Vader my spaar sal ek volgende week dan die Smoothie artikel plaas met ‘n rits resepte soos met die Gegeurde water.

Mag ieder en elk ‘n wonderlike rus naweek geniet.

Groete Annelien