BKT Klets-Kombuis 25 Mei 2018

BKT Klets-Kombuis 25 Mei 2018

Hallo Twister.

Hierdie week was ‘n week van baie strategiese beplanning vir BKT en die reis vorentoe. Sommige besluite was moeilik om te neem, maar ek het ook gehoor wat die Groot Een daarbo van my vra. Dit is ‘n stryd om by al die werk uit te kom en soms wens ek daar kom genoeg geldjies in om sommer ‘n hele span aan te stel wat van my werk kan oorneem. Ek glo, met my missie en vissie dat dit nog my beskore sal wees.

Ek het ongelooflike lekker briewe hierdie week per epos ontvang. Ek het ‘n Setswana kyker van BKT op VIA wat elke week ‘n mooi briefie in Afrikaans vir my stuur en vertel van hoe Afrikaans sy groot geword het. Dan kry ek weer foto’s van lesers wat vertel en wys hoe hul met BKT se resepte woeker en vir tuisnywerhede bak. My hart klop warm soos ek hier tik vanaand…want ek het in my doel geslaag met meer as 1000%. BkT laat mense die kombuis her ontdek, dit help mense om ‘n ekstra inkomste in te bring. Dit was van die begin my doel…bemagtig deur ingelig te wees.

Dit word stadig maar seker nou weer eksamen tyd en die kinders se kosblikke moet gevul wees met goeie happies vir Breinkos. Ek gaan elke week se nuusbrief van volgende week vir julle idees gee oor wat om in te pak. Matriek en graad 1 is my voorland hierdie jaar en ek kan sien as die kinders nie genoeg gesonde kossies kry. Dus, begin om vars kos in te pak wat jy self gemaak het. Genoeg water en niks sappe. Windpomp sjerrie is die beste want water spoel al die slegte goed uit die liggaam.

Ek heg vir julle paar skakels aan om hierdie naweek uit te toets. Jul sal let die resepte wat ek plaas 2-4 is gemik op navrae vir idees vir skole se Koekverkoping tafels / Entrepreneursdae ens.

  1. Episode 7: BKT TV reeks Episode 7 resepte 
  2. Gekookte Klapperys
  3. Sprinmielies met Bottersous 
  4. Kits sjokolade Beskuitjie fudge

BKT groete

Annelien Pienaar

2018-05-25T19:07:04+00:00 0 Comments

Leave A Comment