Grondbone botter koekies

Grondbone botter koekies

Hierdie is een van daardie koekies wat my mammie vir ‘n skool voedingskema gebak het in die 80’ger jare. Ek onthou met kindertjies op die plaas skooltjie waar ons opgegroei het, het die staat grondbone botterkoekies onder die kinders versprei. Tot vandag nog noem ons kinders dit Staats koekies! Die grondbone het baie energie en voedingswaarde bevat en in daardie jare geen gemors soos preserveermiddels en derglike dinge…regte egte goeie gesonde grondbone.

230 g (1 ) botter of goeie kwaliteit bakkers margarine
250 g (1 ¼ k) sagte bruinsuiker (treacle sugar of damarera of muscavado)
2 eiers, groot
10 ml (2 t) vanielje geursel
450 g (2 k) krakerige grondbone botter
280 g (2 k) koekmeel
½ t kaneel (opsioneel)
5 ml (1 t) koeksoda
Knippie sout

Klits die botter tot romerig, voeg die bruinsuiker by en klits tot baie lig en donsig vir 5-8 minute. Voeg dan die eiers by en klits een vir een by tot weer romerig…die mengsel mag geskif lyk, maar moenie kommer, dit is hoe dit moet wees.

Voeg dan die vanielje geursel en grondbone botter by en klits tot ‘n eenvormige massa.

Sif die droë bestanddele saam en meng met houtlepel in die grondbone mengsel. Keer uit en knie liggies. Druk deeg plat en verkoel bedek vir 30 minute. Voor verhit oond na 180 ℃ en smeer bakplate met Koekpan smeer (BKT kookboek p.11). Laat eenkant.

Meet 12 g balletjies of 15 ml balletjies af en plaas 3 cm uit mekaar op die bakplaat. Druk plat met vurk of duim. Bak vir 12 minute en haal dadelik van plate af, verkoel op rakkie.

Bron: Annelien Pienaar, 2017, Boerekos met ‘n Twist toetskombuis.
Hoeveelheid: Resep kan met gemak halveer word…volle mate 50 koekies van 6 cm elk.

 

Print Friendly, PDF & Email
2017-11-10T14:36:07+00:00 0 Comments

Leave A Comment