Lemon curd

Lemon curd

Hierdie resep kan met die mikrogolf berei word of per plaat. Lees asb die details rakende mikrogolf sterktes en leer sommmer iets nuut vir die toekoms as jy wil koekbak en aanpassings moet doen. Hierdie is ‘n heerlike resep. Geniet

115 g (½ k) botter, in blokkies gesny
3 suurlemoene se gerasperde skil en sap (nie lemmetjies nie, skil is soms galbitter)
225 g (1 k, 2 e) strooisuiker
3 groot eiergele

Gaarmaak tye vir curd is soos volg met verskillende sterktes mikrogolfoonde (resep metode op 800 watt gedoen):
1. 900 watt: trek 10 sekondes per minuut af.
2. 850 watt: trek 5 sekendes per minuut af.
3. 750 watt: sit 5 sekondes by.
4. 700 watt: sit 10 sekondes by per minuut.

Wenk: Hierdie reël is van toepassing op AL my BKT mikrogolf resepte op die web. My huis mikrogolf is 800 watt.

Metode
Plaas botter, suurlemoenskil en –sap in mikrogolf veilige glasbak. Kook saam vir 3 minute op hoog. (moenie vergeet om die resep mooi te lees, pas jou tye aan volgens die tabel vir jou mikro sterkte).

Voeg die suiker by en roer totdat amper gesmelt. Plaas terug in mikrogolf en by 100% krag kook vir 1 minuut, stop roer en kook weer 1 minuut.

Klop die eiergele tot baie lig en donsig. Skep lepels die warm mengsel by en klits soos jy bietjie vir bietjie byvoeg. Jy het net ’n gewone draadklitser of ballon klitser vir die werkie nodig.

Plaas terug in mikrogolf en kook totdat die mengsel verdik vir ongeveer 4-6 minute met ‘n stop elke minuut en roer met ballonklitser. Die mengsel sal dik en glansend wees.

Indien jy verkies om hierdie proses op die stoof plaat te doen:
Plaas botter, suurlemoenskil en –sap in diep kastrolletjie en kook vir 5 minute. Roer die suiker by en kook weer vir 3 minute totdat die suiker opgelos het.

Klop die eiergele tot baie lig en donsig. Skep lepels die warm mengsel by en klits soos jy bietjie vir bietjie byvoeg. Jy het net ’n gewone draadklitser of ballon klitser vir die werkie nodig.

Kook vêrder tot gaar vir ongeveer 6-10 minute, mengsel sal glansend en dik vertoon.

Stoor in lugdigte houer met ‘n bietjie botter oorgesmeer om velletjie wat vorm te voorkom wat versierbuise se punte kan verstop.

Bron: Annelien Pienaar, Mikrogolf maklike kookkuns klas, 2015
Hoeveelheid: 450 g

 

Print Friendly, PDF & Email
2017-08-02T09:54:37+00:00 0 Comments

Leave A Comment