Markdag by die skole is altyd een van vele kop krappers vir die moeders en ouma’s wat soms handjie moet bysit. Hierdie resep neem letterlik 10 minute om aanmekaar te slaan en 1 uur om te set. My kinders maak hierdie lag-lag self. Die vulsel is geskik om as vulsel in roomyshorinkies gebruik te word. Rol balletjies met die vulsel en rol in klapper of sjokolade sprinkels. Hoe dit ook al sy, hierdie happies, is baie, baie lekker!
5 e botter of bakkers margarien
40 malvalekkers
6 k Rice Krispies
1 t vanieljegeursel
Voer n rolkoek pan uit met waspapier en plaas eenkant.
Smelt botter in 3 liter kastrol en voeg dan die malvalekkers by. Roer oor lae hitte totdat die malvalekkers gesmelt het.
Verwyder kastrol van hitte en werk dan baie vinnig en roer die Rice Krispies by. Druk die mengsel binne-in die voorbereide pan en laat afkoel. Sny in skywe of druk vormpies uit. Verder kan hierdie mengsel ook in horinkies gevul word. Dus, geniet en lekker speel saam met die kleinspan. Wat van bietjie klapper of 100’s en 1000’s?
Bron: Annelien Pienaar, 2017, Sagte lekkergoed klas
Hoeveelheid: 30 blokkies
Leave A Comment