So ietsie anders vir oggend koffie…amper netso lekker soos die Italianers se biscotti.
Variasies vir Kondensmelk-karring beskuit:
- 1 k neute/rosyne/choc chips/rooibosbessies/sitrus skil/sade van keuse.
Bestanddele vir Kondensmelk-karring beskuit
- 1.5 kg Koekmeel
- 5 ml Sout
- 10 ml Kremetart
- 4 t Bakpoeier
- 2 t Koeksoda
- 500 g Botter
- 385 g Kondensmelk
- 500 ml Karringmelk
- 1 Eier – geklits
- 1 t karamel geursel van Moirs
Metode vir Kondensmelk-karring beskuit
- Voor verhit oond na 170C. Berei beskuit pan voor.
- Sif al die droë bestanddele saam.
- Smelt die botter en kondensmelk saam, laat afkoel tot kamer temperatuur en voeg die eier en karringmelk by.
- Meng die nat en droë bestanddele saam, moenie knie nie, druk net aan mekaar, jy wil nie gluten ontwikkel nie.
- Deel die deeg in 40 bolletjies. Ek weeg die deeg en deel dit dan deur 40 om die gewig vir elke bolletjie te kry. Maak bolletjies en pak in pan. Jy kan ook in gewone brood panne bak, jou keuse hoe groot jy die bolletjies wil hê.
- Of
- Druk in standaarde beskuit panne en sny vooraf in vingers.
- Bak by 170 ˚ C vir 45 – 60 minute, laat die beskuit effens afkoel, keer uit die pan en breek in stukkies op. Droog by 100-110C vir 5 ure.
Bron: AnnelienPienaar, Beskuit klas 101
Hoeveelheid: 40 bolletjies
Ek kaninie die kondensmelk beskuit resep sien nie, is daar n probleem?
Corita, maak groot asb seker jy het ingelog in jou rekening. Druk van tyd tot tyd die refresh opsie ook. Jy kan my epos by annelien@annelienpienaar.co.za. Groete Annelien Pienaar.
Beste Annelien
Ek kan al jou ander beskuit resepte oopmaak maar ongelukkig nie hierdie ene nie. Ek is “ingelog” en het ‘n paar maal probeer “refresh” ook. Die ander resepte werk almal 100%. Groete
Liezel, jy kan net onder die soekglasie vir die nuwe resep soek. Hierdie een het ek verwyder weens die skakel probleem en oor gelaai. Groete Annelien
Hallo, dit lyk of hier geen resep meer is. Ek is ingelog in my rekening. Ek kan al die ander resepte vir beskuit soos boere beskuit en heuning beskuit oop maak. Maar as ek die een oopmaak van selfde web page waar ek ander vanaf search wys dit net die bookmark tip maar geen resep.
Zandene, hierdie resep is nuut gelaai, jy kan net direk op die webtuiste die skakel soek onder die soekglasie. Epos my sou jy sukkel by annelien@annelienpienaar.co.za