BKT Klets-kombuis 3

BKT Klets-kombuis 3

Hallo Twister,

Hierdie week het ons baie geleer oor die weeg en ook die afmeet van suiker en ook die verskil tussen die gewig en vervanging van witsuiker en strooisuiker as jy sonder die een of die ander is. Die kruks van die saak is waar suiker langer neem om op te los as dit in ‘n beslag verroom word en strooisuiker makliker. Daar is geen verskil in tekstuur tussen die twee tipes suiker, maar jy moet egter seker maak jy klits genoeg sodat wit suiker se kristalle oplos. Boerekos met ‘n Twist kookboek het ‘n omskakelingstabel van milliliter mates na gramme. Ek vra dat julle na die tabel sal kyk en op p.12 ook lees oor die meet van bestanddele en julle dan sal verstaan hoekom ek NET met ‘n skaal werk en nie koppie mates nie.

Met die kook van rys het ons ook ‘n heerlike gesprek gehad en gesien dat rys eintlik ‘n min moeite gereg is om te maak. Kry die rys aan die kook met 2 koppies water tot 1 koppie rys met 1 t sout. Skakel af, hou deksel op en so sal die rys self verder gaar stoom op die afgeskakelde plaat. Ek is persoonlik lief om rys te kook en dan in kleiner porsies te vries en uit te haal en in die yskas te laat ontdooi. Daarna braai ek die rys as ek sou verkies en weet ook so dat die GI van die rys laer is. Hieroor sal ek nog eendag meer in detail uit berei, die verlaging van die GI en hoekom en hoe dit werk.

Ek het vir volgende week begin dink aan nuwe goed wat ek julle wil oor leer. Ek wil fokus op iets wat ek ‘n ongelooflike passie voor het…kruie en speserye. Hoe weet ek wat om waar te gebruik. So, ek is besig om vir julle ‘n oulike table op te stel.

 

Mag die naweek sommer klopdisselboom gaan en julle met jul geliefdes lekker kuier.

 

BKT groete

 

Annelien

2018-01-19T17:36:36+00:004 Comments

4 Comments

  1. Veronica January 20, 2018 at 9:42 am - Reply

    Dankie vir die inligting wat jy deel.

    • Annelien January 20, 2018 at 12:19 pm - Reply

      Dankie dat jy die passie deel vir kos en ons gesinne, vriende. BKT groete Annelien Piennaar

  2. Marita January 22, 2018 at 9:56 am - Reply

    Shoe die kruie en speserye hulp sal ek BAIE waardeer, want dit voel vir my of al hierdie wonderlike geure beskikbaar is en ek is so oningelig!
    Dankie

    • Annelien January 22, 2018 at 2:57 pm - Reply

      Daar is ‘n basiese stel riglyne en ons gaan rondom dit werk. Ek sal oor twee weke bietjie meer inligting publiseer. Groete Annelien Pienaar

Leave A Comment