Hallo liewe Twister.

Kry ek mos nou weer raas oor sleutels wat weg is…laas was dit die spens, nou is dit die gastehuis se voordeur. Koppie kap nou regtig verwoed aan. Dit was ’n heerlike week van woeker in die kombuis, myself weer druk soos in die dae toe ek as jong student as Pastry chef moes gaan werk, uit die boks dink om ’n eenvoudige Kaaskoek uit die BKT resepteboek na ’n beeldskone nagereg te laat lyk. Ek hou van uitdagings vir myself, ek hou daarvan om te leer hoe om by die eindproduk uit te kom…dan kan ek vir julle leer en die haakplekke uitwys. So was hierdie Kaaskoek amper my baas, maar logika het gewen. Hou die Faceboek posts dop vir die Kwêla insetsel.

Verder is daar ‘n heerlike naweek van niks doen wat voorlê en ek het reeds Sondag se piekniekmandjie kossies beplan. Hou die posts dop vir al my idees.

BKT groete uit ‘’n woelige kombuis.

Annelien