BKT kletskombuis

BKT kletskombuis

Hallo liewe Twister.

 

Dit was ‘n baie woelige maar kort week gewees en my hele skool vakansie is ek kinderloos…want die Filistyne gaan op ’n  kerk toer. Dan pendel ek heeltyd tussen werk en die plaas. Sussie suig aan die agterspeen soos ons werk. Sy sleep saam na waar oral ek gaan. Liewe lawwe lyfie, ek kan nie sonder haar wees. Wel, gelukkig vir julle is BKT ook altyd naby en in jou sak of jou tas of jou huis…net ‘n knoppie druk vêr.

 

Onthou om volgende Woensdag na Pasella te kyk op SABC 2. Pasella het by die BKT ateljee kom kuier en ek en Hemelbesem het behoorlik gekook uit BKT se kookboek. Daar is ook een boek wat geskenk gegee gaan word. So, moenie dit mis nie.

Ek is van vandag af in Machadodorp en gee Suurdeegklas môre en van Sondag deur tot Dinsdag gee ek opleiding vir Milly’s se personeel. Dan is ek van Donderdag deur tot Saterdag volgende week by Aardklop se ATKV boeke Oase waar ek en Herman Lensing in gesprek gaan wees oor ons boeke, ons werk en lekker dinge wat wag. Loer gerus op die Aardklop webtuiste vir verdere details. Donderdag: 5 Oktober 12h00, Vrydag 6 Oktober 12h00 en dan Saterdag 7 Oktober 14h00 vir boeke teken in die boekwinkel op die fees terrein.

So, die briefie is kort hierdie week..maar glo vir my, die verslae en foto’s wat gaan terugkom gaan mooi en weereens interessant wees.

BkT groete

Annelien Pienaar

 

Print Friendly, PDF & Email
2017-09-29T07:03:43+00:00 0 Comments

Leave A Comment