Pizza is my manier om die gesin nader te trek en moeilike eters groente te leer eet. Ons reël in die huis is: 2 groente (met ‘’n opsie van 5), 1 of 2 vleis soorte en dan kaas geporsioneer. So het my jongelinge geleer om rou groente soos soetrissie, avokadopeer, uie, sampioene, tamatie en vele meer groentes te eet. Elke lid van die gesin kry hul deel van die deeg, dit is ’n gerol en speel, maar vir fyn motoriese en middellyn kruising, ontsettende goeie oefening. Speel-speel leer die kinders sonder enige moeite of konflik. My Filistyne is in twee kampe verdeel: dik basis en dun basis. Ek is persoonlik lief vir ’n dun basis en soms al wat ek op my dun pizza geniet is gesmelte botter met knoffel en Parmasaan kaas oor…gebak tot bros. Soms kroek ek en gebruik die einste deeg vir Foccacia met my eiesoortige Twist! Ek rol eers die deeg uit in reghoek en sit olywe, feta en knoffel op een helfte en vou toe. Daarna rus vir 5 minute en rek en strek in swiss roll pan in…laat rys tot pof. Daarna dimpel met vingers in en sprinkel olyfolie, vars roosmaryn, growwe sout, olywe en songedroogde tamaties oor. Een resep met vele aanwendings.

 YouTube video

Vrieskas pizza: Sodra die deeg gereed is om te vorm vir pizza gaan jy soos volg te werk. Sit lank voor die tyd bakplate in die vrieskas. Haal uit, sit waspapier op die plaat en vorm die pizza met die vulsels. Plaas dadelik in vrieskas en vries vir 3 ure tot hard. Haal dan van bakplaat af en bêre in lugdigte houers tot nodig met lae waspapier tussen in. Om te bak: Voorverhit oond na 220C en bak vir 15-20 minute vanaf bevrore tot deur gebak. Of jy kan die pizza bassis sonder vulsels op par bake: bak die basis onmiddellik by 220C vir 5 min en haal uit en verpak dan. Of jy kan dan ook voort gaan en met vulsels pak en vries. DAar is dus ‘n verskeidenheid opsies om pizza te vries.

330 g (1 1/3 k) water, kamertemperatuur
10 g kits gis
490 g (3 ½ k) koekmeel
10 ml (2 t) sout
30 ml (2 e) olyfolie

Pizza stof
1 k koekmeel
1 k fyn mieliemeel

Pasta sous of Pikante soetrissiesous: p.200 Boerekos met ‘n Twist kookboek vir pizza sous basis of

Meng gis, koekmeel en sout saam. Maak holte in die middel en voeg die water en olyfolie by. Knie die deeg totdat die droë dele net goed ingemeng is. Die deeg gaan nog klonterig wees. (Hier gaan ek jou leer jy het nie nodig om jouself dood te knie aan die deeg nie). Laat die deeg vir 30 minute rus. Voorverhit oond op die hoogste verstelling wat dit kan gaan, as daar dalk ‘n pizza steen is of selfs ‘’n gietyster pan of plaat, sit dit ook in om vooraf warm te word. Indien jy ’n pizza oond besit, stook dit ten minste ‘n uur voor die tyd.

Sodra die 30 minute verby is, sal jy vind dat die deeg sag is. Knie liggies vir 3 minute. Deel die deeg in 3 dele en maak dit ‘n mooi ronde bolletjie. Rus 5 minute onder ‘n klam lappie terwyl jy die werksoppervlakte voorberei. Pizza stof vergemaklik die deeg se vorming en ook afhaal na die tyd van die pan.

Sprinkel pizza stof op ‘n bakplaat en plaas die deeg op die plaat en begin om met die vingerpunte van die middel na die kante toe die sirkel al groter en platter te druk. Indien die deeg terugtrek, rus dit eers ’n minuut en gaan aan.

Smeer basis met sous van keuse, pak met vulsels, bak dadelik vir 15 minute by hoogste verstelling

English version

Pizza base with yeast
YouTube video

Freezer pizza: Once the dough is ready to form for pizza, proceed as follows. Place baking trays in the freezer well in advance. Take out, put wax paper on the baking tray and form the pizza with the fillings. Immediately place in freezer and freeze for 3 hours until hard. Then remove from baking tray and store in airtight containers until needed with layers of wax paper in between.

To bake: Preheat oven to 230 C and bake for 15-20 minutes from frozen to baked. Or you can par bake the pizza base without fillings: bake the base immediately at 230 C for 5 minutes and take out and then pack. Or you can go ahead and pack with fillings and then freeze. So there are a variety of options for freezing pizza.

330 g (1⅓ c) water, room temperature

10 g instant yeast

490 g (3 ½ c) cake flour

10 ml (2 t) salt

30 ml (2 T) olive oil

Pizza dust

1 c cake flour

1 c fine mealie-meal

Bron: Annelien Pienaar, 2000, Pizza klas
Hoeveelheid: 3 groot pizza basisse (resep verdubbel perfek)