My paaie het so 20 jaar gelede met Elria Wessels gekruis toe ek besig was met ‘n Verhandeling oor Suid-Afrikaanse kultuurkos. Op daardie stadium as ek reg onthou was Elria Wessels nog werkend by die Oorlogs meuseem in Bloemfontein. Sy het vir my ‘n kopie gestuur van Boerespyse wat sy saamgestel het in opdrag van die Oorlogsmuseum. Dit was ʼn insiggewende boek in vele opsigte want ek kon direk vir die skrywer vra hoe sy by elke resep se oorsprong uit gekom het. Ons het vir ure heen en weer geepos.  So het sy die paadjie plavei vir nog bronne wat ek nagevors het en so het my Boerekos met ʼn Twist konsep ontwikkel. Later jare het Human en Rousseau ʼn verwerking van hierdie boek publiseer as Hartskombuis: Boerekos van die Anglo-Boereoorlog tot vandag. Ook ʼn pragtige boek waarby Elria betrokke was.

Ons vriendskap het gegroei en so het ek meeste van haar werke bekom en gelees. Sy het pragtig geskryf en soms ook baie humoristies geskryf. So eie aan ons volk, die humor ongeag hoe swaar dit gaan. Die lys van boeke is baie lank en ongelooflike kennis wat Elria gehad het ook daarin vervat. Sy het onder andere op haar eie ʼn databasis van Krygsgevangenes opgebou en met haar unieke speurvernuf families van hierdie mense opgespoor en so ook stories kon bekom om op papier vas te lê. Sy het vir meer as 30 jaar vir die Oorlogsmuseum gewerk en ek glo dat haar insette en navorsing oor die Anglo Boere oorlog van onskatbare waarde is. Haar werke leef voort! Ek het haar na al die jare vir die eerste keer ontmoet met ‘n  besoek in 2018 waar sy afgetree het in Wolmerans stad en woonagtig was by ‘n broerskind van haar. Verlede jaar is sy na ‘n ouetehuis waar sy weens dementia verder versorg was. Ek koester elke epos en brief!

Elria het ʼn Meesters graad verwerf in Geskiedenis aan die Universiteit van Bloemfontein en was eers ʼn onderwyseres in Geskiedenis voordat sy by die Oorlogsmuseum aangesluit het. Soos hulle sê die res is Geskiedenis.

Werke uit Elria se pen:

Die Bannelinge, Kwinkslag ( oor die humor van die oorlog), Verskroeide Aarde  en They fought on Foreign Soil en nog vele ander. Hierdie boeke spesefiek het ek baie geniet, asook ook haar Boerespyse.

Ek gaan ons eposse sommer baie mis en ‘n bron van oneindig baie inligting.

Tot ons weer eendag ontmoet liewe Elria.